შეშლილი მაქსი:”სერია ა-ს მოსაგებად 90 ქულა დაგვჭირდება”

გთავაზობთ შეშლილი მაქსის წინასამატჩო პრესსკონფერენციას:

“სრულებით ბუნებრივია, რომ ჩემპიონატის მიმდინარე ეტაპზე გუნდებს ერთნაირი მაჩვენებლები გააჩნიათ.. სხვაობის ნახვა, დაახლოებით 10 ტურის შემდეგ იქნება შესაძლებელი.. რაც გადაჭრით შემიძლია ვთქვა, არის ის, რომ სერია ა-ს მოსაგებად აუცილებელი 90 ქულის მოგროვება იქნება. ურთიერთ შეხვედრები კონკურენტებთან? ვფიქრობ, გაცილებით მნიშვნელოვანი საშუალო და უფრო სუსტ მეტოქეებთან წარმატების მოპოვებაა..

ფიორენტინა ჩვენ წინააღმდეგ ყოველგვარი ფსიქოლოგიური დაწოლის გარეშე იასპარეზებს.. ახლა მათ ცვლილებების ეტაპი უდგათ და შემადგენლობაში უამრავი ახალგაზრდა ტალანტი ირიცხება.. ერთ-ერთი ასეთი კიეზაა.. თუ იების დამარცხება გვსურს, მაგრამ საიმედოდ მოგვიწევს ასპარეზობა და დაცვის ხაზს ეს განსაკუთრებით ეხება..

ვერ გეტყვით, რომელი ფეხბურთელი იქნება სასტარტო შემადგენლობაში.. მთავარია, რომ მინდორზე სულ ერთი და იგივე მოთამაშეებს არ ვხედავდეთ.. არჩევანი დიდია.. მაგალითად კოშტა, რომელიც იტალიური ფეხბურთის მეთოდიკას უფრო და უფრო კარგად ეგუება..

ბერნარდესკი ორ უახლოეს მატჩში დარწმუნებული ვარ გუნდისთვის საჭირო ფიგურა გახდება.. ფედერიკო მნიშვნელოვნად გაიზარდა და აჩვენებს ჩინებულ თამაშს, როგორც ბურთით ასევე უბურთოდ.. პროგრესი ეტაპობრივად უნდა ხორციელდებოდეს, რადგან იუვეში თითოეული ბურთი იმაზე მნიშვნელოვანია ვიდრე ნებისმიერ სხვა ადგილას.

დე შილიოს გამო სინანულის გრძნობა მაქვს, რადგან მატეო ოპტიმალურ ფორმასთან ახლოს იყო.. მეორეს მხრივ საინტერესო იქნება, ჰიოვედესი კლუბზე როგორ გავლენას იქონიებს.. გერმანელთან ერთად სამ მცველიანი მოდულით თავისუფლად ვიასპარეზებთ.. მაგრამ პირველივე წუთებიდან იქნება თუ არა მინდორზე, ეს ნამდვილად არ ვიცი.. მითუმეტეს ამ როლში უკვე გვყავს ლიხტშტაინერი და სტურარო.

მატუიდი ჩემთვის აღმოჩენა არ არის.. იგი ყველა მწვრთნელის ხელში კარგად ასპარეზობდა.. პიანიჩი დიდებულ პერიოდს განიცდის.. ჩვენ არ გაგვიხსნია მისი ტალანტი, უბრალოდ მცირე თავდაჯერებულობა და რამდენიმე რჩევა.. შედეგად მირალემი განვითარების ახალ საფეხურზეა.”