ფეხბურთელების შეფასებები (იუვენტუსი 1-0 ფიორენტინა)

გთავაზობთ ტურინელთა შეფასებებს ფიორენტინასთან გამართული მატჩის შემდეგ:

შესნი – 5 – პოლონელმა ჯიჯი შეცვალა, თუ ჰქონდა იმის იმედი, რომ მოახერხებდა თავის გამოჩენას, მაშინ იმედები გაუცრუვდა.. ეს არ იყო ის მატჩი სადაც მას საკუთარი დონის დემონსტრირება მოუწია.

სტურარო – 5.5 – ლიხტშტაინერის დასვენების, ხოლო დე შილიოს ტრავმის შემდეგ ცუდად ნამდვილად არ უასპარეზია იმ პოზიციაზე, სადაც აქამდე არასოდეს გამოჩენილა. თუმცა, იყო ეპიზოდი, როდესაც კრისტიან ბირაგმა ბავშურად გააბითურა.. მომავალში მოუწევს ამაზე მუშაობა, რომ გაცილებით შემტევი ტიპის გუნდთთან საიმედოდ იასპარეზოს.

რუგანი – 5.5 – მშვიდი მატჩი ცენტრალური მცველისთვის.. თუმცა, პირველ ნახევარში ბურთის ამოტანისას უშვებს მიუტევებელ შეცდომას, რომელმაც მეტოქეს ანგარიშის გახსნის შანსი მისცა. რუგანი უდაოდ ნიჭიერია, მაგრამ თუ მომავალშიც სურს ბიანკონერის დაცვის ბურჯი იყოს, მაშინ ასეთი შეცდომების აღმოფხვრა მოუწევს.

ბარძალი – 6 – ვეტერანმა კარგი მატჩი ჩაატარა და ახალგაზრდა სიმეონეს თვის გამოჩენის შანსი არ დაუტოვა. ფაქტია, ანდრეას მძიმე მატჩი წინ ელის, თუმცა მის მაღალ დონეში ეჭვის შეპარვა დაუშვებელია.

ასამოა – 6 – მის ფლანგზე სიმშვიდე იყო, თუმცა გადაცემებში შეცდომებს ხშირად უშვებდა. საერთო ჯამში მანჯუკიჩთან ერთად მშვენივრად იმუშავა.

ბენტანკური – 7 – კლაუდიო მარკიზიოს ღირსეული შემცვლელი! 20 წლის ნახევარმცველი ფანტასტიკურ შთაბეჭდილებას ტოვებს. ჯერჯერობით ადრეა რაიმეს მტკიცება, მაგრამ ვფიქრობთ იუვეს ხელში მორიგი მარგალიტი გაჩნდა..

მატუიდი – 6.5 – მატუიდის იუვეს შუახაზისთვის საჭირო ათლეტურობა მოაქვს, რომელიც ასე აკლდა გუნდს რამდენიმე სეზონის განმავლობაში. პერიოდულად ფრანგი ეფექტურად უტევს და ერთ-ერთ ასეთ ჩართვისას კინაღამ პენალტის დარტყმის უფლებაც მოიპოვა.

კუადრადო – 8 – არის ეპიზოდები, როდესაც კოლუმბიელი უნიათოდ ირჯება, მაგრამ ამ საღამოს ხუანი შეუდარებელი იყო. საგოლე გადაცემა მარიო მანჯუკიჩზე და საერთოდ, მოედანზე ყოფნის დროს მეტოქის მცველებისთვის ერთ-ერთი ყველაზე სახიფათო იყო. მისმა გადაცემებმა მარიოზე და გონსალოზე არაერთი ხიფათის შემქნელი იყო.. შედეგად სრულად გაამართლა ფსონის მასსზე გაკეთებამ.

დიბალა – 6 – სტეფანო პიოლის თქმით ვიოლასთვის ყველაზე სახიფათო შესაძლოა სწორედ არგენტინელი გამხდარიყო. შესაბამისად მის წინააღმდეგ მცველები განსაკუთრებით დიდ ყურადღებას იჩენდნენ.. თუმცა დიბალა პერიოდულად მაინც აჩვენებდა საკუთარ მაღალ დონეს.. მეორეს მხრივ ისეთივე ეფექტური არ იყო როგორც წინა მატჩებში.

მანჯუკიჩი – 7.5 – ხორვატი ფორვარდის ბრძოლისუნარიანობამ ტურინელი ფანატაებისთვის იგი ყველაზე საყვარელ ფეხბურთელად აქცია.. თითოეული მისი უკან ჩამოსვლა და ხისტი ბრძოლა ფანების მხრიდან აპლოდისმენტების სრულდებოდა.. პირველ ნახევარში ძირითადათ ომობდა, ხოლო მეორე 45 წუთში შეტევაში წასვლის საშუალებაც მიეცა და შედეგად გამარჯვების გოლიც გაიტანა.

იგუაინი – 4.5 – საჯაროდ ამას არ იტყვიან, თუმცა ამ შეხვედრაში მისი ფორმა ფრიად საგანგაშოდ გამოიყურებოდა.. ბურთს კარგავდა და არასწორ მანევრირებებს ახორციელებდა.. იდეალური შანსი გაუშვა ხელიდან, როდესაც კუადრადომ გაიყვანა დასარტყმელ პოზიციაზე.. სასუოლოსთან და ბარსასთან მისი ჩავარდნა იმდენად თვალშისაცემი არ იყო, მაგრამ ახლა..