ალეგრის მატჩისშემდგომი კომენტარი

ალეგრი მატჩისშემდგომ კომენტარში საკუთარი გუნდის შეცდომებზე და დადებით ასპექტებზე საუბრობს:

“ფაქტია, რომ დღეს გუნდი სასურველ კონდიციებში არ იმყოფება.. ზოგიერთი სანაკრებო პაუზიდან ცუდ ფორმაში დაგვიბრუნდა და შედეგად საკუთარ თავზე მეტი მუშაობა გვმართებს.

გასული სეზონი წარსულს ჩაბარდა და თუ გვსურს იმავე დონეზე დარჩენა, მაშინ ამისათვის მუხლჩაუხრელი შრომაა საჭირო. ვფიქრობ, გონსალომ საკუთარი ხასიათის და შესაძლებლობების გათვალისწინებით კარგი მატჩი ჩაატარა.

ჩემპიონთა ლიგაში გამარჯვების მიღწევა იოლი საქმე არ არის.. ახლა მნიშვნელოვანი ნაბიჯი გადავდგით, თუმცა გადატვირთვა გვესაჭიროება. ახლა აუცილებლად გვჭირდება ჩვენი სიძლიერის დაბრუნება, რასაც ვფიქრობ მაშინ ვაჩვენებდით, როდესაც ბურთი სპორტინგს ჰქონდა.. მეორეს მხრივ ფეხბურთელების ფიზიკური კონდიციები საგრძნობ გაუმჯობესებას საჭიროებს.

მოხარული ვარ გარკვეული ქმედებებით.. თუნდაც ის ფაქტი რად ღირს, რომ გამარჯვებისთვის ბოლომდე ვიბრძოლეთ. გასული მატჩებისგან განსხვავებით გამარჯვება მოვიპოვეთ, მაგრამ ხარისხი იმაზე ბევრად ცუდი იყო ვიდრე ატალანტასთან და ლაციოსთან..”