ალეგრის მატჩისწინა პრესკონფერენცია

“თამაშის მოგება საშუალებას მოგვცემს გავიდეთ მომდევნო ეტაპზე, ფრე კი ამ საკითხს ღიად დატოვებს. “სპორტინგი” არაა იოლი მეტოქე, მათ პრობლემები შეუქმნეს “ბარსელონას”, რომელიც სახლში თამაშობდა. ჩვენ ვალდებულები ვართ ეს ორთაბრძოლა საუკეთესოდ ჩავატაროთ.

მარჯვენა მცველის პოზიცია? შესაძლო ვარიანტებია: დე შილიო, კუადრადო ან სტურარო. ბარძალი? ეს ძალიან რთული ვარიანტია.

დიბალამ კარგად ითამაშა მილანში. არის მონაკეთები, როდესაც ფეხბურთელი უკეთესად ან უარესად თამაშობს, ეს ყველა ფეხბურთელის თვისებაა.

ძალიან რთულია გააძლიერო ისეთი გუნდი, როგორიც “იუვენტუსია”. გასულ სეზონში ჩვენ მოვიგეთ ჩემპიონატი და იტალიის თასი, ასევე გავედით ჩემპიონთა ლიგის ფინალში. მითუმეტეს, კლუბმა შეძლო გაძლიერება.

ბერნარდესკი და დუგლას კოშტა, ეს გუნდის მომავალია. ველოდები პიაცას დაბრუნებას, რომელიც ახლოსაა.

კუადრადო თუ დაიკავებს მარჯვენა მცველის პოზიციას, მაშინ ჩვენ 4-3-3 სქემით ვითამაშებთ. შეტევის მარჯვენა ფლანგზე ითამაშებს ბერნარდესკი ან მანჯუკიჩი, მარცხნივ – კოშტა.

მატუიდის მდგომარეობა უნდა შევაფასო, რადგან შაბათს მცირე დაზიანება მიიღო. ხედირამ ბოლოს ძალიან ბევრი ითამაშა, ცვლილებები შემადგენლობაში ძალზედ მნიშვნელოვანია.

მანჯუკიჩი? მას შეუძლია ითამაშოს ნებისმიერ პოზიციაზე მეკარის გარდა, თუნდაც ცენტრალურ მცველად ან ნახევარმცველად.”