დაბადების დღეს გილოცავთ, ლეგენდა!

დღეს “იუვენტუსის” ლეგენდალურ კაპიტანს, ალესანდრო დელ პიეროს 43 წელი შეუსრულდა!

9 ნოემბერი განსაკუთრებული დღეა “იუვენტუსის” ისტორიაში. ამ დღეს დაიბადა ადამიანი, რომელმაც ფეხბურთი შეაყვარა უამრავ გულშემატკივარს. ბევრი მათგანი კი დელ პიეროს გამო გახდა “იუვეს” ქომაგი.  გუნდის სიმბოლო 19 წლის განმავლობაში ემსახურა საყვარელ კლუბს და გაჭირვების ჟამსაც საკუთარ თავზე აიღო პასუხისმგებლობა და გაიყოლა გუნდის ლიდერები. მისი სიტყვებია: “ნამდვილი კავალერი არასოდეს ტოვებს თავის ქალბატონს”.

პინტურიკიოზე ბევრი რამის თქმა შეიძლება, მაგრამ ცნობილი ფეხბურთელების და მწვრთნელების გამონათქვამები ყველაზე ნათლად წარმოაჩენს მის პიროვნებას:

ზიდანი: “ზოგი ამბობს რომ მსოფლიოს საუკეთესო ფეხბურთელი მარადონაა, ზოგი – პელე და ა.შ. მე ყველა ჩამოთვლილ ფეხბურთელს დიდ პატივს ვცემ, მაგრამ მათ შორის საუკეთესოდ დელ პიეროს ვაღიარებ”.

ტოტი: “მინდა ის სიყვარული მქონდეს რომელიც ალეს აქვს, მე რომის მეფე ვარ ის კი მთელი იტალიის მეფეა”.

მალდინი: “ალექსი სამაგალითოა”.

კლაუდიო რანიერი: “დელ პიერო ინტელიგენტი ფეხბურთელია, რომელმაც არაჩვეულებრივად იცის თავისი საქმე. ის იუვენტუსის სიმბოლო, სული და გულია”.

ჩეზარე მალდინი: ” ბევრ ფეხბურთელს ვავარჯიშებდი, მაგრამ ვერცერთი ვერ მივა დელ პიერომდე”.

იკერ კასილიასი: ,,ბევრად უფრო ადვილია დახატო ახალი მონა ლიზა, ვიდრე შექმნა ახალი დელ პიერო”.

ლიპი: ” ჩემს შვილებსაც კი არ ვენდობი ისე როგორც დელ პიეროს”.

რაიან გიგზი: “ყველაზე მეტად ხავიერ ძანეტის წინააღმდეგ თამაში გამიჭირდა. გუნდი კი… 1990-იანი წლების იუვენტუსი საოცარი გუნდი იყო, ყველაზე რთული მეტოქე. ალესანდრო დელ პიერო საუკეთესო იტალიელი ფეხბურთელია, რომლის წინააღმდეგაც მითამაშია, ჩვენ თანატოლები ვართ და მის მთელ კარიერას ვადევნებ თვალს”.

ანჩელოტი: ” ისეთ ფეხბურთელებს როგორიც ის არის, ხშირად ვერ ნახავ, ასეთები ძალიან ცოტაა”.

რონალდინიო: “ალექსი ჩემი კუმირია. ის უკეთესი ჯარიმების ოსტატია ვიდრე მე და ამის აღიარება არ მიჭირს. მას საოცარი დარტყმა აქვს, ტექნიკური და ამოუცნობი. მეკარე რომ ვყოფილიყავი, ნამდვილად არ მეცოდინებოდა თუ სად უნდა დავმდგარიყავი დელ პიეროს ჯარიმისას”.

მარადონა: “ის ყველაფერს ძალიან მარტივად აკეტებს, ერთ-ერთი ფეხბურთელია რომლის თამაშის ყურებაც სიამოვნებას მანიჭებს”.

ფაბიო კანავარო: ,,ეს არის საუკეთესო პიროვნება ვისაც მთელი ჩემი კარიერის მანძილზე შევხვედრივარ”.

ინძაგი: “ყველა, ვინც დელ პიეროსთან ერთად თამაშობს, ვარსკვლავი და ჩემპიონი ხდება”.

გარი ნევილი: ,,ის საუკეთესო ფეხბურთელია, რომლის წინააღმდეგაც ოდესმე მითამაშია. მახსოვს, საოცრად მომატყუა”

ბაჯო: “თუ არსებობს ვინმე, ვინც მე უნდა შემცვალოს ეს არის დელ პიერო”.

რონალდო: “მომეცით დელ პიეროს მაგია და მე გავხდები მარადონაზე უკეთესი”.

რაული: “დელ პიერო- ეს ბრენდია”.

პელე: “დელ პიერო უნიკალური ფეხბურთელია, რომელიც გვაკვირვებს თავისი თამაშით”.

კამორანესი: “ექსტრაორდინალური ფეხბურთელი – მეტი არაფრის თქმა არ არის საჭირო”.

ზამბროტა: ” ის რომ დეპ პიერომ ვერ აიღო ოქროს ბურთი შოკში მაგდებს და ტკივილს მიტოვებს”.

შევჩენკო: “ვერცერთი ფეხბურთელი ვერ მაშინებს ისე, როგორც დელ პიერო”.

ადრიანო ჩელენტანო: “დელ პიერო დიდებულია, უფრო მეტია, ვიდრე როკ ფეხბურთელი, მან დაამტკიცა, რომ ნამდვილი დიდი მოთამაშეა. სწორედ ის არის ვისაც გულშემატკივრები მიიჩნევენ თავიანთ კერპად. მომავალშიც მიიღებს აღიარებას ფეხბურთის მოყვარულებისგან იმისათვის რომ გუნდის ერთგული დარჩა”.

ფერგიუსონი: ” მაკვირვებს ის, რომ დელ პიეროს არასდროს არ აუღია ფიფას საუკეთესო ფეხბურთელის ჯილდო”.

მესი: “ჩემზე რომ იყოს დამოკიდებული, მარადონა და დელ პიერო საუკეთესო ფეხბურთელები არიან მსოფლიოში. დელ პიერო დიდი მოთამაშეა, რომელმაც ყველაფერი მისცა ფეხბურთს, იუვენტუსსა და იტალიას. ჩემთვის მისი თამაშის სტილი ულამაზესი და დახვეწილია. იგი სამაგალითო ადამიანია”.

ბუფონი: ” არაფრის არ მეშინია, როცა მოედანზე ჩვენთან ერთად არის დელ პიერო”.