მაროტა: “სანდროსთან პრობლემები არ გვაქვს”

ჯუზეპე მაროტას ტრადიციული მატჩისწინა ინტერვიუ…

“იგუაინმა სწრაფი გამოჯანმრთელებით დახმარება გაგვიწია, უნდა ავღნიშნოთ მისი პროფესიონალიზმი. რა თქმა უნდა, ტკივილები ისევ აწუხებდა, მაგრამ ის მზად იყო გამოსულიყო მინდორზე ნებისმიერ ფასად და აეწია გუნდის ხარისხი.

ასამოა ძირითადში? ჩვენ წინ გვაქვს თამაშების რთული, მაგრამ არა გადამწყვეტი სერია, რომლებიც მნიშვნელოვანია სეზონში. მწვრთნელს აქვს ლოგიკური მიზეზი ენდოს ასამოას, რომ ის სწორი არჩევანია “ნაპოლის” წინააღმდეგ თამაშში. სეზონის განმავლობაში ყველას ექნება საკმარისი დრო, სანდროს ჩათვლით.

ჭორები “ჩელსიზე”? ჩვენ არაერთხელ ავღნიშნეთ, რომ თუ ფეხბურთელი ითხოვს გაყიდვას, მიუხედავად მისი სტატუსისა გუნდში, ჩვენ მზად ვართ გადავდგათ შემხვედრი ნაბიჯი. თუ ფეხბურთელი უკმაყოფილოა, სჯობს მისცე საშუალება წავიდეს. სანდროსთან მიმართებაში სრული ურთიერთგაგება იყო, ის სრულიად თანახმა იყო დარჩენილიყო ჩვენთან. მისი თამაშის ხარისხი დაეცა პირადი მიზეზების გამო, რომლის განხილვას აქ ვერ დავიწყებთ. ჩვენ გვყავს მისი ღირსეული შემცვლელი და დარწმუნებული ვარ ასამოა გაუმკლავდება ამოცანას.

ამ მომენტისთვის “ნაპოლი” და “ინტერი” შესანიშნავ სეზონს ატარებენ. ჩვენ ჩვენს საქმეს ვაკეთებთ და თითქმის იმდენივე ქულა გვაქვს, როგორც წინა სეზონში. მე ხშირად ვამბობ, რომ “იუვე” აღდგომამდე იშვიათად ახდენს თავისი შესაძლებლობის 70%-ზე მეტის დემონსტრირებას. მაგრამ მნიშვნელოვანია საქმეში ვიყოთ, ლიდერების სიახლოვეს, ხოლო სკუდეტოსთვის ბრძოლაში ცოტა მოგვიანებით ჩავერთვებით. აქამდე ჩვენზე ნადირობდნენ, ახლა ჩვენ ვნადირობთ.

კონფლიქტი გასახდელში? ვფიქრობ ეს შურის გამო გაავრცელეს, ალბათ ეს იქნება სწორი პასუხი. ჩვენ ვიცოდით, რომ არანაირი კომენტარი არ იყო საჭირო სტატიის საპასუხოდ, რადგან ჩვენთან პროფესიონალები თამაშობენ და “იუვენტუსი” ყოველთვის ყურადღებით აკვირდება მათ მოქმედებებს და ერევა საქმეში, თუ ეს აუცილებელია. ზოგიერთ გუნდს ჯანსაღი კონკურენცია სჭირდება შემადგენლობაში, რათა მოტივაცია შეინარჩუნონ, მაგრამ ეს ჩვენ არ გვეხება, ჩვენთან ხომ ბრწყინვალე პროფესიონალები ირიცხებიან.”