ალეგრი:”ნაპოლის შემდეგ პროგრესი უნდა გავაგრძელოთ”

ალეგრიმ ჟურნალისტებთან საუბარი ბარსელონას მატჩზე დაიწყო.. ბარსამ თუ მოიგო იუვემ რომც წააგოს მაინც გადის, მაგრამ..

“კარგი იქნება თუ ესპანელების მატჩს საერთოდ დავივიწყებთ.. იუვენტუსი არ უნდა ინტერესდებოდეს სხვა კლუბების ასპარეზობით.. ჩვენ მძიმე მატჩი გველის და უმჯობესია კონცენტრირება მის გარშემო მოვახდინოთ.

ფაქტია კარგი შანსები გვაქვს პლეი ოფში გასასვლელად.. შესაბამისად ბერძნებთან მაქსიმუმი უნდა დავდოთ.

ნაპოლისთან ჩატარებული მატჩის შემდეგ ვალდებულები ვართ ყოველ დღე უკეთესები გავხდეთ. დიახ, პარასკევის გამარჯვება გადამწყვეტი არ იყო, მაგრამ მან მოგვცა საშუალება ლიდერებს დავწეოდით. ნუ დაგვავიწყდება ასევე ის გარემოებაც, რომ წარმატებული 20 წუთის შემდეგ, დანარჩენი დრო საკუთარი კარის უსაფრთხოებას დავუთმეთ.

კიელინის რუგანი ან დე შილიო შეცვლის. იგუაინი და მანჯუკიჩი ძირითად შემადგენლობაში იქნებიან.. დიბალასთვის ოლიმპიაკოსთან დაპირისპირება მორიგი ტესტი იქნება.. მან საკუთარ თავს უფრო მეტი უნდა მოთხოვოს ვიდრე ახლა.. ბუფონზე და პიანიჩზე კონკრეტული გადაწყვეტილებაა მისაღები.. მათ დასვენება აუცილებლად ესაჭიროებათ.. მეორეს მხრივ მირალემის სკამზე ყოფნა ტაქტიკურ ცვლილებას არ გამოიწვევს.”