ანდრეა ანიელი: “ჩემპიონთა ლიგა – ჩვენი მიზანია”

ანდრეა ანიელიმ “იუვენტუსის” კორპორატიულ საღამოზე სიტყვით გამოსვლისას განაცხადა, რომ ჩემპიონთა ლიგა ამიერიდან უნდა განვიხილოთ, როგორც მიზანი…

“იუვენტუსის” ისტორიაში ლეგენდარული ფურცლები უკვე დაიწერა, მაგრამ ახლა ჩვენი ჰორიზონტები უნდა გაფარდოვდეს. შობა მშვენიერი საბაბია განსჯისთვის, მაგრამ წელს ეს ვერ მოხერხდება, რადგან წელს იტალიაში საშობაო პაუზა არ იქნება და მთელი ყურადღება მინდორზე იქნება გადატანილი. ხანდახან, როცა უკან მოვიხედავ, სიამაყით ვიხსენებ, თუ რა გავაკეთეთ ბოლო წლებში.

ჩვენ დიდი სიყვარულით გავიხსენებთ იმათ, ვინც ეს გამარჯვებები მოიპოვა და გარემოს შეცვლა გადაწყვიტა, უნდა გავიხსენოთ ლეო, რომელმაც 6 სკუდეტო მოიპოვა. ამ ბიჭებმა განსაკუთრებული სამუშაო შესრულეს, მათ ფეხბურთის ისტორიას დაწერეს.

როდესაც დაფიქრდები 30-იანი წლების “იუვეზე”, “დიდ ტორინოზე”, შეუძლებელია არ გაიხსენო ახლანდელი “იუვენტუსი”, რომელმაც ასევე კვალი დატოვა ფეხბურთის ისტორიაში. გვესმის, რომ ჩვენი მიზნები და ჰორიზონტები უნდა გაფარდოვდეს, ახლა ჩვენი ჰორიზონტი – ევროპაა, ჩვენ ეს გვაღელვებს. ამ სეზონში ეს ჩვენი მიზანია, მაშინ როცა წინა წლებში ჩემპიონთა ლიგაზე ვლაპარაკობდით, როგორც ოცნებაზე. ჩვენში ისევ ცოცხლობს ეს ოცნება, თუმცა ახლა გვესმის, რომ ჩვენ ჩვენი ადგილი გვაქვს ევროპაში.

ნედვედის სიტყვები დიბალაზე? “იუვენტუსის” პრეზიდენტი ვალდებულია გამარჯვების სიტკბოთი იყოს განმსჭვალული. შედეგები, რომლებიც მოვიპოვეთ და ვცდილობთ მოვიპოვოთ მომავალში, დიდი შრომის დამსახურებაა, რადგან მარტო ტალანტი არ კმარა. ჩემპიონები, რომლებიც ჩვენთან თამაშობენ, ასევე სწავლობენ “იუვენტუსისგან”: მარტო ტალანტი საკმარისი არ არის, წვრთნებია საჭირო.”