“კიევო” – “იუვენტუსი” ალეგრის პრესკონფერენცია

ალეგრის წინასამატჩო პრესკონფერენცია…

“ბუფონი გუნდში იქნება, მაგრამ კარში შესნი დადგება. ჯიჯი ბერგამოში დაუბრუნდება ძირითადს. ბუფონი მომავალზე ფიქრობს, მაგრამ ამ მომენტში ის მხოლოდ თამაშზე ფიქრობს. ჩემთვის ადვილია მასთან მუშაობა, რადგან ის 20 წელზე მეტია ფეხბურთშია. მას ახლა არ დაუწყია კარიერა და კარგად ესმის, რომ ტრავმირებული იყო და ახლახანს დაუბრუნდა გუნდს, სხვაგვარად ის ძირითადში იქნებოდა. მესმის, რომ დიდი ფეხბურთელებისთვის ძნელია გაჩერდე, მაგრამ შეუძლებელია დროის გაჩერება. 40 წელი ის ასაკია, როდესაც ბევრს შეიძლება მიაღწიო. ეს დასვენება კარგად წაადგა მას, ახლა ის სრულიად აღდგენილად გრძნობს თავს. ჩვენ ყველა გაშლილი ხელებით ველოდებით მას.

მარკიზიო გუშინ დაუბრუნდა გუნდს, ამიტომ მას გაუჭირდება ამ შეხვედრისთვის მზადყოფნა, მაგრამ სამშაბათისთვის ის უკვე განაცხადში იქნება. დიბალა არ არის შემადგენლობაში, მაგრამ ის აღდგენას განაგრძობს. შემდეგ კვირაში ის შემოწმებას გაივლის. კუადრადო შემოწმებას გერმანიაში გადის, რომ გავიგოთ ოპერაცია დასჭირდება თუ გავაგრძელოთ მიმდინარე აღდგენითი პროცესი. მატუიდი თავს კარგად გრძნობს, მოგვიანებით გადავწყვეტ ითამაშებს თუ არა.

დე შილიო ან ლიხშტაინერი ითამაშებს მარჯვნივ. კიელინი დაისვენებს. სანდროს დავაკვირდები კიდევ, იქნება თუ არა მზად, თუ არადა ასამოა მყავს, რომელიც კარგ ფორმაშია. სამი ნახევარმცველით თუ ვითამაშეთ, ძირითადში შეიძლება სტურარომ ითამაშოს. თუ ორი ნახევარმცველით ვითამაშეთ, ოთხი შემტევის გაყვანა მომიწევს. 

ბერნარდესკი შეიძლება სამი ნახევარმცველის შემთხვევაში დუგლაშ კოსტასთან ერთად გამოვიდეს, ან ოთხი შემტევის დროს ძირითადში გამოვიდეს.

იგუაინი მართალია ბოლო დროს ვერ იტანს, მაგრამ ბევრს მუშაობს გუნდზე და გოლებიც მალე მოვა. 

“კიევო” ფიზიკურად ძლიერი გუნდია, ისინი ბევრ საჰაერო დუელს იგებენ. მართალია მათ ბევრი ცუდი შედეგი ჰქონდათ, მაგრამ კარგად ითამაშეს “ნაპოლის” და “რომას” წინააღმდეგ. ადვილი თამაში არ იქნება, ამიტომ ჩვენ უბრალოდ უნდა ვიფიქროთ შედეგზე. ეს მნიშვნელოვანი გამოწვევა იქნება ჩვენთვის.”