კიელინი:”ვიცოდით, რომ შანსი გვექნებოდა”

კინგ-კონგს დღეს ჰარი კეინისგან ბევრი პრობლემა ჰქონდა, თუმცა საბედნიეროდ ჯამში გამარჯვებული იტალიური მხარე გამოვიდა:

“რთული მატჩი გამოდგა და სიმართლე გითხრათ ამას ნამდვილად ველოდით. პირველი ტაიმის მერეც კი გვწამდა, რომ გაჩნდებოდი შანსები, რომლებიც აუცილებლად უნდა გამოგვეყენებინა. საკუთარ დავალებას თავი კარგად გავართვით.. ამ ყველაფერში დაგვეხმარა იღბალი და შემართება, რომელიც პირველი წამიდან უკანასკნელ წამამდე გაგვაჩნდა.

ტოტენჰემს ჰქონდა საკუთარი შანსი, მაგრამ ეს ჯერ კიდევ ახალგაზრდა გუნდია, რომელიც ამ ეტაპზე იწყებს საკუთარ წინსვლას.. ჩვენ ნამდვილად გვაქვს საჭირო დოზით გამოცდილება, რომელიც ასეთი დონის მატჩს ესაჭიროება.

ვუყურეთ პსჟ-ს და რეალის პირველ შეხვედრას.. ყველამ იცის თუ რაოდენ დიდ პრობლემებს განიცდის სამეფო კლუბი ლა ლიგაში, მაგრამ არ მახსენდება შემთხვევა როდესაც რეალურად დიდ დაპირისპირებას ესპანური მხარე მოუმზადებელი შეხვედროდა.. დიახ, ესპანელებმა დაიმსახურეს შემდეგ ეტაპზე გასვლა.. აი სწორედ ამ გზის გავლა მოუწევს ტოტენჰემს და შესაძლოა ერთი, ორი ან ოთხი წლის შემდეგ მათ დააგროვონ საჭირო გამოცდილება.

წლიდან წლამდე ვიზრდებით და საჭირო ელემენტებს ვიძენთ.. თუმცა, მეორეს მხრივ თამაშის ხარისხიც უნდა გავზარდოთ. ეს ყოველი ჩვენთაგანისთვის ცნობილია და არ დაგიმალავთ ფეხბურთელები ხშირად ვსაუბრობთ.. როდესაც გუნდში ამდენი მაღალი და კრეატიული დონის ფეხბურთელი ირიცხება, თამაშის ხარისხზე პრეტენზიის გამოხატვა ფრიად ლოგიკურია. ჩვენ აქ ბრძოლას ვაგრძელებთ და იუვენტუსთან დაპირისპირება იოლი არავისთვის იქნება”.