შეშლილი მაქსი:”ბედნიერი ვარ რომ ასეთ გუნდს ვწვრთნი”

შეშლილი მაქსის გადაწყვეტილებებმა მეორე ტაიმში სასურველი შედეგი გამოიღო და იუვენტუსი ჩემპიონთა ლიგის 1/4 ფინალში იასპარეზებს:

“ჩვენი ბიჭები და საერთოდ კლუბი აპლოდისმენტებს იმსახურებენ იმისა გამო, რასაც ბოლო წლების მანძილზე აკეთებენ.. დღეს, იუვემ პრესტიჟული გამარჯვების მოპოვება შეძლო ისეთ დიდებულ არენაზე როგორიც უემბლია.

ველოდებოდით საჭირო მომენტს, გამოვიჩინეთ მოთმინება და სრულიად დამსახურებულ გამარჯვებას მივაღწიეთ. ვფიქრობ, ორი მატჩის ჯამში ნამდვილად დავიმსახურეთ 1/4 ფინალში ასპარეზობა.

პირველ ნახევარში ბევრს ვცოდავდით.. ბურთს ხშირად ვკარგავდით და მეტოქე სახიფათო იერიშებს ახორციელებდა. მსგავსი გადაცემებით გუნდს ფაქტიურად ორ ნაწილად ვხლიჩავდით..

თუმცა, მეორე ნახევარში გაცილებით დაბალანსებულად ვმოქმედებდით და მეტოქეს უფრო მჭიდროდ ვეთამაშეთ. ბიჭებმა შთამბეჭდავ შედეგს მიაღწიეს.

ცვლილებები მხოლოდ იმიტომ გავაკეთე, რომ მოედანზე განსხვავებული მახასიათებლების ფეხბურთელები იყო საჭირო.. ასამოა საკუთარი გადაცემებით და საიმედო ასპარეზობით, რომელსაც მთელი კარიერის მანძილზე უდაოდ არ აფასებენ სათანადო დონეზე.. ლიხტშტაინერმა ხედირასთან ერთად არაჩვეულებრივად ითამაშა.. ფლანგებზე დაღლა დაგვეტყო და ამისათვის საჭირო გახდა გადაწყობა.. მეტად უნდა გაგვეშალა ხაზი და მეტოქისთვის თავისუფალი ზონები საბოლოოდ გადაგვეკეტა.

იგუაინმა სულ რაღაც ორი ვარჯიში გამართა ამ შეხვედრამდე.. დიბალას სრულფასოვანი დაბრუნება კი მხოლოდ ლაციოსთან შეხვედრაში მოხდა.. ახლა მთავარია ტრავმირებული ფეხბურთელები მალე დაგვიბრუნდნენ და დანარჩენებმა ფორმა მოკლე დროში დაიბრუნონ.. წინ არაერთი მნიშვნელოვანი შეხვედრა გველის შინაურ ასპარეზზე, რომელიც ყველაფერს გადაწყვეტს.

იყო თუ არა ეს ტაქტიკური გამარჯვება? მატჩს ფეხბურთელები იგებენ.. მე კი უბრალოდ ბედნიერი ვარ რომ ასეთ დიდებულ გუნდს ვწვრთნი”.