ნედვედი:”რეალი? ჩვენ მზად ვართ”

ბიანკონერის ვიცე პრეზიდენტი წილისყრას ესწრებოდა და ბუნებრივია ჟურნალისტებსაც გაესაუბრა:

“ორი დიდებული და ბუნებრივია მძიმე მატჩი გველის საუკეთესო გუნდის წინააღმდეგ, რომელმაც ზედიზედ ორჯერ მოიგო ჩემპიონთა ლიგა.. ვუყურე მათ ასპარეზობას პსჟ-ს წინააღმდეგ და ჩემზე ესპანელები საოცარი შთაბეჭდილება მოახდინეს.. თუმცა, ნუ დაგვავიწყდება რომ პირველ შეხვედრას სამეფო კლუბი ტურინში გამართავს და მათ ჩვენთან თბილი დახვედრა ნამდვილად არ ელოდებათ.

არამგონია ჩვენმა გუნდმა კარდიფის მსგავსი პრობლემები განიცადოს.. მიდგომა რადიკალურად განსხვავებული იქნება და საერთოდაც, ვფიქრობ რეალი ერთ მატჩიანი რაუნდისთვის უფრო მზად არის ვიდრე ორისთვის.. ჩვენ ეს ადრე უკვე ვნახეთ, სადაც ჯამში საგოლე ეპიზოდები უფრო მეტი ჩვენ გვქონდა, ვიდრე მათ. ბენატიას და პიანიჩის გარეშე გაგვიჭირდება, მაგრამ ალეგრის არაერთხელ დაუმტკიცებია რომ მწირი რესურსითაც შესაძლებელია მაქსიმუმის მიღწევა.

ფაქტია, რომ სეზონის ამ კონკრეტულ ეპიზოდში ჩინებულ ფორმაში ვიმყოფებით.. ზუსტად იქ ვართ სადაც გვინდოდა ყოფნა და ვიბრძვით სამივე ფრონტზე წარმატებისთვის. მეორეს მხრივ რეალი გამოთიშულია შინაურ ასპარეზზე ბრძოლას და ახლა ლიგაზე მაქსიმალურ ენერგიას ჩართავს.. მაგრამ მერწმუნეთ იუვენტუსი ყველაფრისთვის მზად არის.

დიბალა და იგუაინი ორი გამორჩეული ფენომენია, რომლებიც საოცრად ირჯებიან.. აი დიბალა კი ვფიქრობ უნდა თამაშობდეს საოცრად, რომ მსოფლიო ფეხბურთის ისტორიაში მისი გვარი ოქროს ასოებით იწერებოდეს.. ბოლო პერიოდში მის ვარჯიშს თვალყურს აქტიურად ვადევნებ და უდაოდ კარგ შთაბეჭდილებას ტოვებს.”