იუვენტუსი – რეალი (ფაქტები)

მართალია მსაჯის სასტვენის შემდეგ სტატისტიკა მეორე პლანზე გადადის, თუმცა ფაქტების გახსენება ყოველთვის ამძაფრებს მოახლოვებულ შეხვედრებს…

აქამდე ჩემპიონთა ლიგის და ჩემპიონთა თასის ეგიდით, იუვენტუსი და რეალი ერთმანეთს 19-ჯერ დაუპირისპირდნენ: 9 გამარჯვება რეალის სასარგებლოდ, 8 ტურინელთა აქტივში. 2-ჯერ გუნდები ერთმანეთს დაუზავდნენ.

ბოლოს გუნდები ერთმანეთს, კარდიფში, ჩემპიონთა ლიგის ფინალში გადაეკვეთნენ, სადაც ესპანელებმა მეტოქე 4-1 დაამარცხეს და ზედიზედ მეორედ მოიპოვეს ჩემპიონთა ლიგის ტიტული.

მადრიდელებს შანსი აქვთ ჩემპიონთა ლიგის ნახევარფინალში მეცამეტედ გავიდნენ, რაც სარეკორდო მაჩვენებელი იქნება.

იუვენტუსმა ჩემპიონთა ლიგის არსებობის ისტორიაში ნახევარფინალში გასვლა 7-ჯერ შეძლო, რაც იტალიურ კლუბებში ასევე სარეკორდო მაჩვენებელია. მასზე მეტი მხოლოდ მადრიდის რეალს(12), ბარსელონას(11) და მიუნხენის ბაიერნს აქვს(10).

1962 წლის შემდეგ(რეალმა 1-0 იმარჯვა ტურნში) იუვენტუსი საკუთარ მოედანზე მადრიდელთა წინააღმდეგ არასდროს დამარცხებულია (1 გამარჯვება, 1 ფრე)

მადრიდის რეალი ჩემპიონთა ლიგაზე ზედიზედ 23 მატჩია გოლს იტანს: 60 გოლი 23 შეხვედრაში (2.6 გოლი საშუალოდ)

კრიშტიანო რონალდომ იუვენტუსს ყველა შეხვედრაში გაუტანა(5 მატჩში 7 გოლი). პორტუგალიელს ამაზე მეტი მხოლოდ ბაიერნის კარში აქვს გატანილი(9 გოლი)

რონალდო ერთადერთი ფეხბურთელია ვისაც ტურინელთა კარში 5 გოლი აქვს გატანილი. ჩემპიონთა ლიგის ეგიდით, სხვა არცერთ მოთამაშეს არ აქვს 4-ზე მეტჯერ ტურინელთა კარი აღებული.

ევროტურნირებზე იუვენტუსმა ბოლო 25 საშინაო მატჩიდან მხოლოდ ერთი წააგო (ბაიერნთან). მოიგო 15 და ფრე ითამაშა 9-ჯერ.

გონსალო იგუაინმა მიმდინარე გათამაშებაში უკვე 5-ჯერ აიღო მეტოქეთა კარი. მისი რეკორდი ასევე 5 გოლია(2016/17 წლების სეზონში)

მატჩში, რომელშიც გონსალომ გოლის გატანა შეძლო გუნდი არასდროს დამარცხებულა: 19 შეხვედრა( 15 გამარჯვება, 4 ფრე), მასზე უკეთესი შედეგი მხოლოდ პატრიკ კლიუვერტს აქვს: 25 შეხვედრა ( 23 გამარჯვება, 2 ფრე)

ჯანლუიჯი ბუფონს(115 შეხვედრა) შანსი აქვს 50-ჯერ შეინახოს კარი მშრალად. მხოლოდ 2 მეკარეს აქვს მსგავსი მიღწევა: ვან დერ საარი(96 მატჩი), იკერ კასილასი(148 მატჩი)