მე ვამაყობ ჩემი იუვენტუსით!

უკანასკნელი რამდენიმე საათის მანძილზე არაერთი კომენტარი წავიკითხე.. ზოგი კარგი, ზოგი ცუდი:

რეალობა ისაა, რომ ბრაზი არის ყელში გაჩხერილი და აი ვერაფრით ვერ ხდება მისი მონელება.. 93 წუთზე პენალტის დადება ეპიზოდში, როდესაც გუნდი საოცარ და ნამდვილად ეპოქალურ ქამბექს აკეთებს, უბრალოდ დანაშაულია და მეტი არაფერი! ბუფონის რეაქცია და სიტყვები რეალობას გვაჩვენებს.. ფეხბურთი გვიყვარს ისეთი როგორიც იყო რეალი იუვენტუსი 90 წუთამდე და არა ის რაც მერე მოხდა.. როდესაც ბერნაბეუზე პენალტს უდებ სამეფო კლუბს! არა 100%-იანს ერთი შეხედვით! იგივეს ხომ არ დადებდა რეალის კარში? რატომ ცდებიან ყოველთვის მათ სასარგებლოთ? რატომ არ დადებს პენალტი კუადრადოზე ტურინულ მატჩში? ასე უეფა ფეხბურთს გვაზიზღებს.. ეს არ არის სამართლიანი სპორტი! ეს არის სირცხვილი და მე ვამაყობ ჩემი იუვენტუსით!

რეალობა ასეთია.. იუვენტუსი ჩავიდა სამი ბურთის აღმოსაფხვრელად.. ალეგრიმ ტაქტიკურად ზიდანს მასტერკლასი ჩაუტარა! ეს მათ გასაგონად ვისაც ალეგრის გაგდება უნდა იუვედან! ამ კაცმა გვაჩვენა რას წარმოადგენს, როგორ შიფრავს თამაშს და რა შედეგს აღწევს არსებული რესურსით! შეშლილი არის უკონკურენტო დღევანდელ დღეს საკუთარ საქმიანობაში! ის რომ რეალის მწვრთნელი ყოფილი გუშინ და ზიდანი პირიქით ჩვენსკენ, დარწმუნებული ვარ მშვიდად და წყნარად მოუგებდა იუვეს 4-0!

ჩვენ უნდა ვიამაყოთ ბევრი ფაქტორით! გუნდმა მოუგო ჩემპიონთა ლიგის მოქმედ ჩემპიონს, მისსავე მოედანზე 1-3! და მხოლოდ იმიტომ ვერ გავიდა შემდეგ ეტაპზე, რომ ინგლისელ არბიტრს “დაეზარა” დამატებითი 30 წუთის განსჯა.. თურმე(ბევრ კრიტიკოსს ფანს მივმართავ) იუვესა და რეალს შორის განსხვავება ისეთი დიდი არაა როგორც გეჩვენებათ.. ან მეჩვენებოდა.. თურმე, ჩვენ არაჩვეულებრივი ფეხბურთელები გვყოლია.. ყველა! არამარტო იტალიელები! ყველა ლეგიონერი ვინც გუნდია არის ნამდვილი მამაკაცი!

დიახ, თუ წიგნს და წესებს გადავიკითხავთ ფაქტია რომ პენალტი ყველაფერზე იდება.. ანუ ვგულისხმობ კონტაქტს საჯარიმოს ფარგლებში.. მაისურზე დაქაჩვა, შეხება მხარზე და ასე შემდეგ.. მაგრამ ამ შემთხვევაში ვტყუი როცა ვიძახი, რომ უფრო უხეშზეც რიგ ეპიზოდებში თვალები დაუხუჭავთ? რატომ? იმიტომ რომ მსაჯი არის ადამიანი, რომელიც კონკრეტულ ეპიზოდში იღებს გადაწყვეტილებას ამა თუ იმ ეპიზოდის სცენარიდან გამომდინარე.. ადამიანის კონკრეტული ქმედებიდან გამომდინარე.. დიახ, მექნება საფუძველი ვთქვა რომ იყო მიკერძოებული მსაჯობა.. შეიძლება მთელი მატჩის მანძილზე არა, მაგრამ ეს ხომ საჭირო არ იყო იდეაში? 3-0 რომ გუნდი მარცხდება თავიდანვე სულში ვერ ჩააფურთხებ.. ბოლოსაც შეიძლებოდა და ასეც გააკეთეს სამწუხაროდ.. აქ მარტო იუვე კი არა იტალიას ჩააფურთხეს, რაზეც ანიელიმაც ისაუბრა მატჩის ბოლოს..

იცით რა გამიხარდა? ბევრმა ისეთმა მომწერა რომლებიც ფეხბურთს არ უყურებენ.. მითხრეს, რომ იუვეს თამაშს უყურეს და ეს იყო ნამდვილი მამაკაცებისთან დაკომპლექტებული გუნდი! სევდიანი იყო ეპიზოდი როდესაც მეკარე გააძევეს.. ეს იყო საცოდაობა, რაც იუვენტუსს დამართეს.. მეამაყება რომ ამ გუნდის ქომაგი ვარ! 1 000-ით მოზარდი უყურებდა გუშინ თამაშს და მწამს ისინი სწორ არჩევანს გააკეთებენ, თუ რომელ გუნდს უნდა უქომაგონ მომავალში!

ეს ნახა ყველამ.. მთელმა იტალიამ! დაე ყოფილიყოს იტალიური ფეხბურთის საერთაშორისო დაბრუნების საწყისი! ამოვიდა ყელში იტალიური კლუბების ჩაგვრა! დაე გვენახოს სუპერთასსზე რომაული ფინალი! იტალია დაბრუნდება და ძალიან მალე! იუვენტუსი კი ლიგის თასს აღმართავს ახლა უკვე გაასმაგებული სპორტული აგრესიით!