ბუფონი:”ოდნავადაც არ ვნანობ და ახლაც იგივეს გავიმეორებდი”

ბუფონი არ უხვევს საკუთარი განცხადებიდან ამბობს.. იტალიელის თქმით იგი ახლაც იგივეს გაიმეორებდა:

“ვიღაცას მოეჩვენა, რომ ჩემი სიტყვები ზედმეტად ხმამაღალი იყო, თუმცა მე ვარ ადამიანი რომელიც საკუთარ საქმეში დებს ყველაფერს.. მათ შორის სპორტულ ამბიციასა და იმ სიბრაზეს, რაც თითოეულ მოთამაშეს აქვს. ვერ მოვიტყუები და ვერ დავიწყებ თამაშს, რომ ჩემში ეს ყველაფერი სადღაც გაქრა.. წარმოიდგინეთ შეხვედრა იმაზე ბევრად ადრე დასრულდა ვიდრე იმსახურებდა.. შედეგად რეაქცია იყო სრულებით რეალური და ამას ოდნადავაც არ განვიცდი.

თუნდაც მე ზედმეტად აგრესიული ვყოფილიყავი, მას არ ჰქონდა ამის მორალური უფლება! მეტად გამოცდილი არბიტრი ასეთ დროს პენალტის ნიშნულისკენ ხელს არ მიუთითებდა და არ გახდებოდა უაზრო გმირი! მოდით უმჯობესია თუ ყველაფერზე პასუხს თავად მინდორი გასცემს.. დიახ, ეჭვიც არ მეპარება რომ ოლივერს დიდებული კარიერა ელის წინ, მაგრამ ის რაც მან ახლა გააკეთა ვერასოდეს და ვერაფერი გადაფარავს. ასეთი ახალგაზრდა ადამიანი მოუზამდებელი შეხვდა პრინციპულ ეპიზოდს.. სამწუხაროდ ნერვების და სიტუაციის მოთოკვა ვერ მოახერხა, რითაც მშვენიერი საფეხბურთო მოვლენა წყალში ჩააგდო.

ჩვენ შეგვეძლო არამარტო იუვენტუსის, არამედ სრულიად იტალიური ფეხბურთის ისტორიაში კიდევ ერთი დიდებული საღამო ჩაგვეწერა.. რომას შთამბეჭდავი ქამბექის ფონზე, ეს იქნებოდა სრული ბედნიერება.. იმედი მაქვს ის რაც ამ საღამოს მოხდა უკანასკნელ წამებზე, აღარასოდეს განმეორდება.. ეს უსამართლობის ზეიმია და მეტი არაფერი!

პირველ რიგში ვარ იტალიელი რომელიც მთელი გულით ქომაგობდა რომას.. მათ მე დიდი ბედნიერება მომანიჭეს.. ამის შემდეგ იყო გაფრენა მადრიდში და 3-0-ის წაყვანა ბერნაბეუზე.. წარმოგიდგენით რაოდენ დიდი ემოციით ვიყავი დამუხტული! ეს შეუფასებელი გრძნობაა და ამას ვერავინ წამართმევს..

პენალტი? გულზე ხელი დავიდოთ და ვთქვათ, რომ ეს სადაო ეპიზოდი იყო.. მე არ ვიძახი, რომ წესების დარღვევა არ ყოფილა, უბრალოდ სასტვენამდე 20 წამით ადრე საეჭვო პენალტს არ დებენ.. დარწმუნებული ვარ ნებისმიერი სხვა, მეტად გამოცდილი მსაჯი ასეთ ცუდ გადაწყვეტილებას არ მიიღებდა.

მომისმინეთ.. მომეცით უფლება დავიცვა საკუთარი თანაგუნდელები და ის 5 000 ქომაგი, რომელიც ჩვენთან ერთად მადრიდში იბრძოდა.. ვალდებული ვიყავი ისინი დამეცვა! რეპუტაციას შეიძლება ევნო ამით, მაგრამ მერწმუნეთ ამაზე ახლა ოდნადავაც არ ვფიქრობ! მათი დაცვა ჩემი პასუხისმგებლობაა!”