სატრანსფერო აურზაური (11.06.18)

საინტერესო ამბებია სატრანსფერო ბაზარზე:

გრძელდება მოლაპარაკებები ვალენსიასთან ჟოაო კანსელოსთან დაკავშირებით. ტურინელებს ფეხბურთელის არენდით აყვანა სურთ და მზად არიან 6 მილიონი ევრო გადაიხადონ.. სეზონის დასრულების შემდეგ კი 35 მილიონად გამოისყიდონ პორტუგალიელი ფლანგელი. არ არის გამორიცხული თანხის დაწევის თვალსაზრისით, მოლაპარაკებები მარკო პიაცა ან სტეფანო სტურარო იყვნენ ჩართულები.

რუსეთიდან აქტიურდება საუბარი ალექსანდრ გოლოვინთან დაკავშირებით. ამპლუით ნახევარმცველის თაობაზე ტურინმა პირველადი მოლაპარაკებები თავად მოთამაშესთან ნაყოფიერად წარმართა. მოსალოდნელია, რომ უკვე უახლოეს დღეებში ბიანკონერი ცსკა-ს ოფიციალური წინადადებით მიმართავს. სხვათაშორის მასსთან დაკავშირებით დადებითად ისაუბრეს ფაბიო კაპელომ და მასიმო კარერამ.. ამ უკანასკნელმა გოლოვინი ნედვედსაც კი შეადარა.

იტალიური მედიის მტკიცებით ტურინელებმა ჯელ უილშირს 4 წლიანი კონტრაქტი შესთავაზეს. ინგლისელ შუახაზელს არსენალთან კონტრაქტი დაუსრულდა და თუ კი იუვეში თავისუფალი აგენტის სტატუსით გადაბარგდება, სეზონში 4.5 მილიონ ევროს მიიღებს.

მარკიზიოს ტურინული დღეები კი როგორც ჩანს დათვლილია.. ყოველ შემთხვევაში ასეთი პესიმისტურ განცხადებას აკეთებს ტუტოსპორტი.. ფეხბურთელი არ შედის ალეგრის გეგმებში და შესაძლოა ურთიერთ შეთანხმების საფუძველზე, მხარეებმა კონტრაქტი გაწყვიტონ, რის შემდეგაც იტალიელი შუახაზელი კარიერას მონაკოში განაგრძობს..

Il Messaggero-ს ინფორმაციით მადრიდელებმა ლაციოს მილინკოვიჩ-სავიჩის სანაცვლოდ 150 მილიონი და დამატებით 20 მილიონი ბონუსების სახით შესთავაზა. ეს არის წინადადება, რომელთაც კონკურენცია იუვეს ძალზედ გაუჭირდება.

როგორც ჩანს ჩელსიში სარის მისვლა საკმაოდ რეალური ხდება და მთავარი მწვრთნელის სატრანსფერო სიაში, ადგილი გონსალო იგუაინსაც უკავია.