რონალდუ:”გადაწყვეტილება დიდი ხნის წინ მივიღე”

კრიშტიანო რონალდუ არნახულად მოტივირებულია, როგორც მან ეს პრეს-კონფერენციაზე განაცხადა:

“ასაკი არის ციფრები და მეტი არაფერი.. თავს ფანტასტიურად ვგრძნობ და ერთი სული მაქვს, როდის დაიწყება ჩემპიონატი! ჩვენ წინ დიდი მიზნები გვაქვს და ვიმედოვნებ არაერთ დიდ გამარჯვებას მოვიპოვებთ!

კონკურენცია? პარტნიორებთან ცუდი ურთიერთობის ჩამოყალიბება ჩემში არ ზის.. ჩვენი ერთიანი მიზანია, რაც შეიძლება მეტ გამარჯვებას მივაღწიოთ და ამ ყოველივეს ყველა ერთ მუშტად შეკრული თუ მივაღწევთ. დაამარცხო ყველა გუნდი არის სერიოზული დავალება, რომელსაც მუხლჩაუხრელი მუშაობა ჭირდება. მესი? ყველა თავის ფერებს იცავს..

გუნდი დამეხმარება და გუნდს დავეხმარები.. ეს საინტერესო თავგადასავალი იქნება, სადაც ახალგაზრდა ფეხბურთელებს მაქსიმალურად დავუდგები გვერდში.. მსურს მუდამ სამაგალითო ვიყო როგორც მოედანზე, ასევე მის მიღმა.. იმედს ვიტოვებ ქომაგები ხშირად გაიხარებენ ჩვენი წარმატებით.

ანჩელოტი? არ მისაუბრია, მაგრამ იმ ადამიანთა რიცხვში შედის რომლებიც მუდამ ჩემს გულში იქნებიან.. ბედნიერი ვარ, რომ მასთან ერთად მუშაობა მომიწია.

ოქროს ბურთი? სიმართლეს გეტყვით და ამაზე ხშირად ნამდვილად არ ვფიქრობ.. მაგრამ რატომ არ უნდა მოვიპოვო იგი იუვენტუსის რიგებში? საოცარი გუნდის, რომელიც მუდამ წარმატებაზეა ორიენტირებული.. მათ ყველაფერთან ერთად ჩემი ხასიათიც შეაფასეს.. ჩემს კარიერაში იუვეში გადასვლა, წინ გადადგმული ნაბიჯია.

გადაწყვეტილი მქონდა თუ არა ლიგის ფინალის წინ თუ სად ვიასპარეზებდი? არა.. მე განსხვავებული ხედვები მაქვს.. ჩემს ასაკში მყოფი ფეხბურთელები კარიერის დასრულებაზე ფიქრობენ და ეს დასანანია.. თავს არაჩვეულებრივად ვგრძნობ.. მზად ვარ ახალი გამოწვევებისთვის და ყველას დავუმტკიცებ თუ რაოდენ მნიშვნელოვანი ვარ! მადლობა ანდრეა ანიელის რომელმაც ჩემში ირწმუნა.

ტურინში ჩამოსვლისთანავე საოცრად დიდი სითბო ვიგრძენი, რისთვისაც ყველას დიდი მადლობა მინდა გადავუხადო.. ტიფოზერიას რომლებიც მღეროდნენ ჩემი მისამართით.. მთელი გულით მინდა კლუბის ისტორიაში საკუთარი სახელის შეტანა.

ჩემპიონთა ლიგისთვის ბუნებრივის ბოლომდე ვიბრძოლებთ.. მის მოსაგებად იუვენტუსს სულ მცირედი აკლდებოდა და ვნახოთ, როგორ შეიცვლება ახლა სიტუაცია.. თუმცა, ჩვენი მიზანი ყველა ტურნირზე წარმატებაა.. ძალიან მინდა სერია ა-ს და იტალიის თასის დაუფლება.

რეალში არაჩვეულებრივი პერიოდი გავატარე, მაგრამ ახლა სხვა ეტაპი დაიწყო რომელიც მოტივაციას არნახულად მიზრდის.. ნაკრები? არა არ ვაპირებ ნაკრების დატოვებას.. მიყვარს გამოწვევები და პრობლემების გადაჭრა.

მადლობას ვუხდი იუვენტუსს არაჩვეულებრივი შესაძლებლობისთვის.. ბიანკონერი მსოფლიოს ერთ-ერთი საუკეთესო კლუბია და გადაწყვეტილება დიდი ხნის წინ მივიღე”.