ტურინული სატრანსფერო აურზაური (7/22/18)

მიმდინარე უქმეები სატრანსფერო კუთხით მაინც და მაინც აქტიური არ გამოდგა:

პრესაში კვლავინდებურად იდენტური სტილის სიახლეები ჩნდება..

რუგანის ჩელსის რიგებში გადაბარგება აუცილებლად მოხდება, საკითხავი რჩება თუ როდის დადასტურდება ორივე კლუბის მხრიდან აღნიშნული ტრანსფერი..

როგორც კი ლონდონელები ახალგაზრდა მცველის ტრანსფერზე ყველაფერს შეათანხმებენ, სწორედ ამის შემდგომ დაიწყება ქმედითი ნაბიჯების გადადგა გონსალო იგუაინის შესაძენად..

თუმცა, არავინ ამბობს დადასტურებით, რომ არგენტინელი ტურინს უპირობოდ დატოვებს.. 30 ივლისის შემდეგ სამხრეთ ამერიკელი ფორვარდი ბიანკონერის რიგებში დაბრუნდება და ახალი სეზონისთვის მზადებას შეუდგება..

პარალელურად ვრცელდება ცნობები, რომ მისი ძმა უკვე ამზადებს ნიადაგს შესაძლო მოლაპარაკებებისთვის, რომელიც წესით და რიგით ორმა კლუბმა უნდა დაიწყოს.. საუბარი ეხება იმავე ჩელსის და ასევე მილანს.. დიახ, როსონერი ევროპა ლიგაზე დაბრუნდება, ახალი პრეზიდენტი ჰყავს და შესაბამისად ფინანსური რესურსიც მსგავსი ტრანსფერის განსახორციელებლად.

პიანიჩი.. ბოლო 2-3 დღეა მისი გვარი აქტიურად ფიგურირებს პრესის ფურცლებზე.. სიტი როგორც ჩანს ყველაზე მეტად იწევს მისკენ.. გუარდიოლა დიდი თანხის გადახდაზეც არ იწევს უარს.. რაც შეეხება იუვეს.. პიანიჩი ალეგრისთვის ხელშეუხებელია, მაგრამ 100 მილიონიანი წინადადების შემთხვევაში შეიძლება ყველაფერი მოხდეს.. მაგალითად ამ თანხის ინვესტირება პოგბაში ან რაბიოში..

კალდარა არ იყიდება! დიახ, ზუსტად ასე დაასათაურეს დღევანდელი ნომრები იტალიურმა გამომცემლობებმა.. მატეას ტურინი შანს აუცილებლად მისცემს და ვნახოთ, თუ როგორ გამოიყენებს ნიჭიერი აპენინელი ამ შესაძლებლობას..