პოგბა – რაბიო – იუვენტუსი | ახალი სამკუთხედი

საინტერესო სამკუთხედი იქმნება სატრანსფერო ბაზარზე:

იტალიური მედია იუვეს მხრიდან, სატრანსფერო ფანჯრის მიწურულს გარკვეულ გააქტიურებას პროგნოზირებს..

ნახევარდაცვა რჩება იმ რგოლად, სადაც იუვეს თითქოს და რაღაც აკლია.. ხელმძღვანელობისთვის ეს ყველაფერი კარგად არის ცნობილი და ერთბაშად რამდენიმე ვარიანტზე მუშაობს.. თუმცა, დიდი სახის ინვესტიციებს ახლა ნამდვილად არ უნდა ველოდოთ..

იაფი გამოსავალი კი რამდენიმეა.. ერთ-ერთი არის ტიაგო ალკნატარა რომელმაც ვერაფრით ვერ მოიკიდა ფეხი ბაიერნის რიგებში.. ბრაზილიელ/ესპანელზე გერმანელები დიდ იმედებს ამყარებდნენ, თუმცა გაუთავებელმა ტრავმებმა და არასტაბილურმა მდგომარეობამ მის მიმართ გარკვეული ეჭვები დაბადა..

ტურინი მზად არის ალკანტარა არენდით აიყვანოს და სეზონის დასრულების შემდეგ ბაიერნს 30-40 მილიონამდე გადაუხადოს.. ჯერჯერობით ბაიერნის მესვეურებისგან კონკრეტული პასუხი არ ისმის..

ადრიენ რაბიო ამასობაში კვლავინდებურად რჩება ტურინელთა ჰორიზონტზე.. ბარსელონა ასევე ინტერესდება მისით და როგორც აცხადებენ, უფრო ახლოს არის მის ხელში ჩაგდებასთან.. თუმცა, ნუ დაგვავიწყდება ის ფაქტიც, რომ ესპანური გრანდის პირველ პირებს პოგბას გაფორმებაც სწყურიათ..

თუ რაიოლას დახმარებით მათ ეს მოახერხეს, მაშინ ტურინელები რაბიოს გაფორმებას უფრო იოლად შეძლებენ.. როგორც მოგეხსენებათ ფრანგმა ნახევარმცველმა პსჟ-ს კონტრაქტის გახანგრძლივებაზე უარი უთხრა, რითაც ჭორებს რეალობის საფუძველი გაუჩინა..

იუვე ფასის დაგდებას ეცდება ამ გარემოებიდან გამომდინარე, მაგრამ თუ ვერაფერს მიაღწია, მაშინ იანვარში რაბიოსთან წინასწარ კონტრაქტს გააფორმებს და მოთამაშეს სრულიად უფასოდ დაიმატებს.

პოგბა – იუნაიტედის თემაზე ერთი დაზუსტება.. მართალია ინგლისში სატრანსფერო ფანჯარა დაიხურა, თუმცა ეს ნიშნავს იმას, რომ ინგლისური კლუბი ვერ განახორციელებს ახალი მოთამაშის რეგისტრაციას, მაგრამ თავის მხრივ შეუძლია კონკრეტული წევრის გასხვისება.. სწორედ, ამ უფლებას “ეპოტინება” მინო რაიოლა და ცდას არ აკლებს პოგბას ბარსაში გადაყვანაზე, რითაც თავადაც დიდ “საკომისიოს” მიიღებს.