დელ პიერო:”რონალდუ მალე მიხვდება რას ნიშნავს იუვენტუსი”

ალესანდრო დელ პიერო იუვენტუსში მიმდინარე პროცესებზე და ასევე ბუნებრივია კრიშტიანო რონალდუს თემასაც შეეხო:

“ცუდი შედეგი ბუნებრივია ნეგატიურ ზეგავლენას იქონიებს შენზე, მაგრამ ფაქტია უკანასკნელ ორ ჩემპიონთა ლიგის ფინალში იუვემ მატჩები თავისზე რეალურად ძლიერ მეტოქეებთან დათმო..

საუბარი რაღაც მოჯადოებულ სისულელეს არ ეხება.. უბრალოდ გამარჯვებაზე ფიქრი დამღუპველია.. ამ დროს მოლოდინი საოცრად მაღალია და ზოგიერთი მსგავს წნეხს ვეღარ უძლებს.

მეორეს მხრივ, დარწმუნებული ვარ ბიანკონერი ნავს გატეხს და მოიგებს ამ ტურნირს.. ხაზს გავუსვავ, რომ კლუბი მზად არის ნებისმიერ სირთულეს არამცთუ გაუმკლავდეს, არამედ გადალახოს და ეს ძალიან ძლიერი შეტყობინებაა ნებისმიერი კონკურენტისთვის..

იუვეს პოლიტიკა ნათლად მიუთითებს ამ ყოველივეზე.. მათი პროექტი მაშტაბური და შთამბეჭდავია, რომელიც ძალიან წააგავს ლოს ანჯელეს ლეიკერსის გეგმას ლებრონ ჯეიმსთან ერთად..

რონალდუ განსაკუთრებული ჩემპიონია, რომელიც ფლობს ისეთ მახასიათებლებს და შესაძლებლობებს, რომელიც მხოლოდ ერთეულთა ხვედრია. მისი მენტალიტეტი თვალშისაცემია და მან იცის, როგორ უნდა გადასცეს გუნდს ეს ყოველივე..

პირველი რეაქცია, როდესაც გავიგე რომ იუვე რონალდუს შეძენას გეგმავდა? ბუნებრივია სერიოზულად არ შემიხედავს ამ ყოველივესთვის.. შესაბამისად, ოფიციალურმა ცნობებმა შოკში ჩამაგდო..

დარწმუნებული ვარ პორტუგალიელს საჯარიმო დარტყმებში აუცილებლად დავამარცხებ, მაგრამ თუ რაიმე მიზეზით ეს ვერ მოვახერხე, მაშინ თავის გასასამართლებელი საბუთი მექნება, რადგან კარიერი დიდი ხნის წინ დავასრულე..

ყოველდღიურ ცხოვრებაში, ეტაპობრივად – რონალდუ მიხვდება თუ რას ნიშნავს იუვენტუსის მაისურის ტარება.. არამარტო ტურინში.. რადგან ბიანკონერის ტიფოზები მთელს მსოფლიოში ჰყავს.. ძალიან მალე მიხვდება, რაოდენ დიდი პასუხისმგებლობა აიღო, როდესაც გადაწყვიტა შავ-თეთრ მაისურის ჩაცმა”.