მბაპე:”იუვეს ყველაფერი აქვს ლიგის მოსაგებად”

კილიან მბაპე ჩემპიონთა ლიგაზე და ასევე იუვენტუსის სიძლიერეზე საუბრობს:

“საინტერესო და მძიმე ჯგუფში ვართ, თუმცა ჩემპიონთა ლიგა იმდენად განსაკუთრებული ტურნირია, რომ ეს ყველაფერი კიდევ უფრო ზრდის მის მიმართ მოლოდინს..

ნაპოლიზე რა უნდა ითქვას.. ჩვენ უდაოდ ძლიერ კლუბზე ვსაუბრობთ, რომელსაც ფანტასტიური ქომაგები ჰყავს და გამოცდილი მწვრთნელი..

იუვენტუსი? რონალდუმ იტალიური ფეხბურთი პირველ პოზიციაზე აიყვანა.. სერია ა რაოდენ დიდი იყო ამას ჩემგან რაიმე ზედმეტი საუბარი არ ჭირდება, თუმცა ბოლო პერიოდში პრესტიჟის კუთხით აშკარად პრობლემებს განიცდიდნენ..

პორტუგალიელის კალჩოში მისვლით კი ეს ყოველივე უკვე წარსულს ჩაბარდა.. პირადად მე აპენინურ ფეხბურთს ყოველთვის დიდი ყურადღებით ვაკვირდებოდი.. ახლა კი  შევეცდები არცერთი თამაში არ გამოვტოვო..

იუვენტუსი რონალდუს გარეშეც ძალიან ძლიერად გამოიყურებოდა, რასაც მათი მხრიდან ბოლო პერიოდში ორი ჩემპიონთა ლიგის ფინალში მონაწილეობაც ადასტურებს..

ახლა მათ რიგებში მსოფლიოს საუკეთესო ფეხბურთელია და იუვენტუსი უდაოდ იმსახურებს ყველაზე დიდ ინტერესს.. ფურცელზე, მათ ყველაფერი აქვთ ლიგის თასის მოსაპოვებლად..

იუვე – პსჟ ჩემპიონთა ლიგის ფინალი? დიახ, მზად ვარ ასეთი დიდი გამოწვევისთვის! ეს გრანდიოზული ფინალი იქნება”.