ალეგრი შეგირდებს აქებს და მატჩზე საუბრობს

კმაყოფილი ჩანდა მატჩისშემდგომ შეშლილი მაქსი, რომლის გუნდმაც სერია ა-ში მორიგი გამარჯვება მოიპოვა:

“ფროსინონე რომ ასეთ სტილში დაგვიპირისპირდებოდი უდაოდ მოველოდით.. ყველაფერთან ერთად იმ ფაქტმაც იმოქმედა, რომ ვალენსიასთან 70 წუთი 10 კაცით ვითამაშეთ, რაც მერწმუნეთ დიდ ენერგიას მოითხოვდა.

ასეთ მატჩებში, აუცილებელი არის მოთმინება და ბურთი კარს აუცილებლად მოძებნიდა.. მითუმეტეს მეტოქე მეორე ნახევარში უკვე გადაიღალა თავისუფალი ზონების ამოკეტვით და შეცდომების დაშვებას უმატა, რითაც ჩემმა შეგირდებმა კარგად ისარგებლეს..

მატუიდი? ამ შეხვედრაში პიანიჩი ოდნავ მაღლა დავაყენე და კუადრადოსაც მივეცი საშუალება შეტევაში თამამად წასულიყო.. ემრე ჯანი კი უშუალოდ დაცვით მანევრირებებში მონაწილეობდა..

დიბალა? მისთვის ახლა მნიშვნელოვანია რაც შეიძლება მეტი ითამაშოს და ფორმაში მალე შევიდეს.. ამ საღამოს პაულომ ნაყოფიერად იასპარეზა.. ზონებს შორის მოქმედებები და ფლანგიდან-ფლანგზე გადასვლები არგენტინელის მონაწილეობით გუნდისთვის სასარგებლო აღმოჩნდა. მეორეს მხრივ ფიტნესის მონაცემები გასაუმჯობესებელია, რაც ეტაპობრივად მოვა..

დიბალას სანერვიულო არაფერი აქვს.. იგი გამორჩეულია, თუმცა საწვრთნელ სესიაზე თითოეული ბოლომდე უნდა დაიხარჯოს და აჩვენოს რომ მართლაც საუკეთესოა. თუ შენ გონება ოდნავ მაინც გაქვს სხვა თემით დაკავებული, მაშინ ბურთს სხვა უფრო სწრაფად მიიღებს და შესაბამისად შეტევასაც შენს ნაცვლად განავითარებს.

მანჯუკიჩი ყოველთვის არის 100%-ით მზად, მაგრამ დღეს მცირედით გადაღლილობა ეტყობოდა, რაც ბუნებრივია ვალენსიასთან მატჩის გამოძახილია..

აქამდეც ვიძახდი, რომ რონალდუს გოლები დროის საკითხი იყო.. დღეს, გატანილ გოლთან ერთად აღსანიშნავია მისი მუშაობა გუნდის ინტერესებიდან გამომდინარე.. შეიძლება ზოგჯერ ყველაფერი არ გამოგდიოდეს, მაგრამ ფეხბურთელები საქმეში რჩებიან და შეცდომის გამოსწორებას მომდევნო შეტევაში ცდილობენ და ეს მნიშვნელოვანი ასპექტია.. კმაყოფილი ვარ პორტუგალიელის დღევანდელი გარჯით, ისევე როგორც ბერნარდესკის..

ფედერიკომ გასულ სეზონთან შედარებით მნიშვნელოვნად მოუმატა თითოეულ კომპონენტში.. მისი ფიზიკური კონდიციები, მოედანზე გადაადგილება და პარტნიორებისადმი დახმარება აპლოდისმენტებს იმსახურებს! მსგავსად რუგანისა რომელმაც თავი ასევე საუკეთესო კუთხით წარმოაჩინა”.