ტუტოსპორტი შეფასებებს აქვეყნებს

უმჯობესია მენეჯერული ხასიათის “გარჩევებიდან” რომელიც ახლა იუვეში სუფევს, ცოტახნით მაინც გადმოვერთოთ სპორტულ პროცესებზე.. გთავაზობთ ტრადიციულ შეფასებებს, რომელიც ტუტოსპორტმა გამოაქვეყნა:

შესნი – 6.5 – ზელინსკის დარტყმულზე თვალები დახუჭა და მადლობა უთხრას იღბალს, რომლის დახმარებითაც ბურთი ძელს მოხვდა..

კანსელუ – 7 – შესაძლოა ნაკლებად ჩანდა, მაგრამ ძალზედ ეფექტურად და ჭკვიანურად მოქმედებდა.

ბონუჩი – 6.5 – ბურთის ამოტანისას უშვებს შეცდომას, თუმცა აქ თანაბარ დონეზე თუ არა გარკვეულწილად შეგვიძლია დიბალას დადანაშაულებაც. სხვა მხრივ კარგად ირჯება და გატანილი გოლით შეცდომას ოდნავ ასწორებს.

კიელინი – 7 – კაპიტანისგან საოცარი ენერგია მოდის, რომელიც გუნდს ედებ და მას კარგი მიმართულებით ანვითარებს.

ალექს სანდრო – 6 – დააგვიანა პირველი გოლის დროს კალეხონზე.. საერთოდაც შეტევაში ნაკლებად პროდუქტიულია, მაგრამ არც უკანა ხაზშია ბოლომდე საიმედო.

ემრე ჯანი – 6.5 – პირველი 30 წუთის განმავლობაში არაერთ ორთაბრძოლაში იღებს მონაწილეობას და საკმაოდ ბევრ ენერგიას ხარჯავს მეტოქის შუახაზელთა წინააღმდეგ ასპარეზობისას.. არ იხევს უკან და ცდილობს გუნდს სიტუაცია შეუმსუბუქოს.

პიანიჩი – 6 – მისი შესრულებით იდეალური მატჩი უდაოდ არ ყოფილა, მაგრამ მოქმედებს ცივ-სისხლიანად და როდესაც პარტნიორები ბურთს მას აძლევენ, ვნებათაღელვა კლებულობს..

მატუიდი – 6.5 – ალანისგან პრესინგის ქვეშ იმყოფება, მაგრამ ტაქტიკური განსწავლულობის, გამოცდილების და საშემსრულებლო ოსტატობის ხარჯზე ახერხებს უმეტეს ეპიზოდში პროდუქტიულად ასპარეზობას. მეორე ნახევარში არაერთი მნიშვნელოვანი ჩაჭრა და ჭკვიანური მოქმედება ფრანგი შუახაზელისგან..

დიბალა – 6 – მონეტას ორი მხარე აქვს – გამოჩნდება, ეფექტურია, პროდუქტიულია და შემდგომ სადღაც ქრება.. ეს ყველაფერი რამდენიმეჯერ და თან ერთ 90 წუთში.. მეორე გოლის დროს შეტევა მისი დაწყებულია და თან მარიო რუის გაძევება მისი დამსახურებაა..

მანჯუკიჩი – 8 – რა უნდა ითქვას? უმჯობესია ავტობუსს გაჩერებაზე დაელოდოთ.. ეს ავტობუსი კი კრიშტიანო რონალდუ იყო, რომელმაც ხორვატს პირველი გოლის დროს საოცარი გადაცემა გაუკეთა, ხოლო მეორე ეპიზოდში საჭირო დროს, საჭირო ადგილას დახვდა..

რონალდუ – 8 – იუვემ როცა დაიწყო, მაშინ დაიწყო.. უცხოპლანეტელის ხელიც რომ სამივე გოლში ურევია ამაში უკვე გასაკვირი არაფერია.. თამაშობს ცივ-სისხლიანად და ეფექტურად..

ალეგრი – 7.5 – ფაქტია, გუნდი გარკვეულ ეტაპზე გარდამავალი დინამიურობით იმუშავებს.. თუმცა, გუნდი განაგრძობს გამარჯვებებს და მაქსი სრულიად დამსახურებულ აპლოდისმენტებს ღებულობს..