რონალდუს გარემოცვა საინტერესო ცნობებს აქვეყნებს, ხოლო პარალელურად პორტუგალიელის ადვოკატები შეტევაზე გადადიან

საინტერესო ცნობებს აქვეყნებს გავლენიანი გამომცემლობა ლა რეპუბლიკა:

კრიშტიანო რონალდუს პერსონალური მოსაზრებით, ბოლო ხანებში მის გარშემო ატეხილ აჟიოტაჟში მთავარი როლი ყოფილ კლუბს მიუძღვის..

თავდაპირველად ყველაფერი უეფას გადაწყვეტილებით დაიწყო, რომელმაც ოქროს ბურთი ლუკა მოდრიჩს გადასცა.. აღნიშნულ ცერემონიალზე კრიშტიანო სიტუაციიდან გამომდინარე არც დასწრებია..

შემდგომ ვალენსიასთან შეხვედრაში სრულიად უაზრო წითელი ბარათი, რომელიც ვერავინ ვერ ახსნა როგორც საფეხბურთო ასევე მის მიღმა სფეროში..

ცოტახნის წინ კი დაიწყო საქმის ხელახალი გამოძიება 2009 წელს შტატებში მომხდარ ფაქტზე.. პორტუგალიელს გაუპატიურებაში ადაშაულებენ და საქმე არცთუ ისე მარტივად გამოიყურება..

ლა რეპაბლიკა ფეხბურთელის გარშემო მყოფ პირებს დაუკავშირდა და მათგან ექსკლუზიური ინფორმაცია მიიღო, რომლის თანახმადაც მოთამაშე სწორედ მადრიდული კლუბის მესვეურებს ადანაშაულებს შექმნილ ვითარებაში.. ეხება ეს სიტყვები მხოლოდ პერეს თუ სხვებს უცნობია, თუმცა კრიშტიანოს ღრმად სწამს რომ ამ ქაოსში ესპანელთა ხელი მკაფიოდ ურევია..

პარალელურად ტუტოსპორტის მტკიცებით პორტუგალიელმა გავლენიანი ადვოკატი დაიქირავა მისი ინტერესების დასაცავად. საქმეში დევიდ ჩესნოფი ჩაერთო, რომელიც დღევანდელი პარამეტრებით შტატებში უდაოდ უტოლდება ლეგენდარულ ჯონი კოხრენს..

იურიდიული კომპანია Chesnoff & Schonfeld-ს უკვე აქვს გამოცდილება სხვადასხვა სპორტსმენის ინტერესების დაცვაზე.. მათი კლიენტები სხვადასხვა დროს იყვნენ ანდრეა აგასი, მაიკ ტაისონი და შაკილ ონილი.. შოუ ბიზნესიდან გამოსარჩევია ლეონარდო დი კაპრიო, ბრუნო მარსი და მაიკელ ჯექსონის ოჯახი..

უკანასკნელი მონაცემებით კომპანია აგრესიულად ჩაერთო ამ საქმეში და მზად არის რონალდუს არა მარტო ინტერესები დაიცვას, არამედ შეტევაზე გადავიდეს და კომპენსაცია მოითხოვოს ფეხბურთელის რეპუტაციის შელახვისთვის..

სხვათაშორის არაა გამორიცხული ჩესნოფმა EA Sport-ის წინააღმდეგაც გაიწიოს, რომელმაც გუშინ ორაზროვანი კომენტარი გააკეთა რონალდუს მისამართით და სოციალურ ქსელში ფიფა 19-ის ოფიციალური ქავერი, რომელზეც იუვეს შემტევია გამოსახული, სხვა სტანდარტული საიმიჯო სურათით ჩაანაცვლა..