ტუტოსპორტი:”პოგბა გუნდს უკვე იანვარშივე დატოვებს”

პოგბას წასვლაზე ინფორმაციები უფრო და უფრო მატულობს:

ურთიერთობა მასსა და მოურინიოს შორის იმდენად გაუცხოვდა, რომ ძნელად წარმოსადგენია იანვრის შემდეგ პოგბას კვლავ იუნაიტედის ფერებში გამოწყობილი ვიხილოთ, როგორც ამას ტუტოსპორტი გვეუბნება..

მსოფლიოს 2018 წლის ჩემპიონი ორ უკანასკნელ შეხვედრაში სათადარიგოთა სკამზე დარჩა.. საუბარი არის არსენალთან და ფულჰემთან გამართულ დაპირისპირებებზე..

მიმდინარე სეზონში 19 შეხვედრაში ფრანგმა 5 გოლის და 4 საგოლე გადაცმის გაკეთება მოახერხა..

იუვენტუსს არ დაუმალავს, რომ ფრანგის დაბრუნება სურს, თუმცა გასათვალისწინებელია ფინანსური ასპექტი როგორც თავად ტრანსფერის ასევე პოგბას პირადი კონტრაქტის.. ნებისმიერ შემთხვევაში პარატიჩი ამ ვარიანტს აქტიურად განიხილავს და კლუბი გამართავს წითლებთან მოლაპარაკებებს.

კონკურენციას შავ-თეთრებს ინტერი და ბარსელონა გაუწევენ.. ორივე მათგანს სურს მოედნის შუა ხაზში ასეთი ფიგურის გაფორმება, მაგრამ როგორც პოგბას გარემოცვიდან მოდის ინფორმაცია, მისი არჩევანი იუვეა და იგი მაქსიმალურად ეცდება შავ-თეთრთა რიგებში დაბრუნებას.