ალეგრი:”სპინაცოლა გუნდში რჩება”

ალეგრიმ ჟურნალისტებთან საუბარში ფეხბურთელები წარმატებული თამაშის შემდეგ შეაქო:

“ვიცი, რომ პირველ კითხვას სპინაცოლაზე დამისვავთ და ამიტომ პირდაპირ გეტყვით ყველაფერს.. ლეონარდოს ხანგრძლივი პაუზა ჰქონდა მძიმე ტრავმის გამო, მაგრამ მან დღეს ყველას დაგვანახა რომ სრულმზადყოფნაში იმყოფება..

ნამდვილად არ გამკვირვებია მისი საიმედო თამაში, რადგან იგი მნიშვნელოვანი წევრია ჩვენი გუნდისთვის.. ეს რომ ასე არ ყოფილიყო მერწმუნეთ სპინაცოლა აქ ახლა არ იქნებოდა.. შემიძლია დაგიდასტუროთ, რომ იგი ჩვენთან რჩება.. თუნდაც, იმიტომ რომ კუადრადო ტრავმირებულია და რომც არ იყოს არაა გამორიცხული იგი სხვა პოზიციებზეც მომესინჯა..

კინის თამაშითაც კმაყოფილი დავრჩი. იგი კარგად გაადგილდებოდა და ბურთს მშვენივრად იჭერდა.. ცდილობდა პარტნიორებისთვის სივრცის შექმნას და როცა საჭირო გახდა მნიშვნელოვანი ბურთიც გაიტანა. მას ყველაფერი წინ აქვს.

ბერნარდესკისთვის დღეს ოდნავ განსხვავებული დავალება მქონდა მიცემული.. იგი უფრო მეტად სიღრმიდან თამაშობდა და კარგი ფიზიკურ/ფსიქოლოგიური კონდიციების დემონსტრირება მოახდინა. რთულია როდესაც ტრავმა არ გაძლევს სტაბილურად შესაძლებლობების გამოყენებას, მაგრამ ახლა იგი ფორმაშია!

უშუალოდ თამაშზე კი გეტყვით, რომ ბოლონიასგან ბევრ პრობლემებს ველოდით და თუ ეს ასე არ მოხდა, მადლობა ჩემს გუნდს უნდა გადავუხადო.. შეტევას რომ თავი დავანებოთ ამ საღამოს დაცვითი თვალსაზრისით მინიმალური შეცდომები დავუშვით და ეს პოზიტიური ფაქტია.

ბენატია? მას ძველი ტრავმის რეციდივი აღმოაჩნდა და ამიტომაც არ გავრისკეთ.. მისი ჯანმრთელობის მდგომარეობა ოდნავ მოგვიანებით შეფასდება.

ნახევარდაცვა? საბოლოო ჯამში კმაყოფლი ვარ.. პიანიჩი თავისუფლად მოქმედებდა და ეს ძირითადათ მისი პარტნიორების დამსახურება იყო.. კი კარგი იქნებოდა ბურთს რიგ ეპიზოდებში მეტად გავფრთხილებოდით, მაგრამ ეს სამომავლოდ გამოგვადგება შეცდომების გამოსასწორებლად”.