კიელინიმ იკარდის გვერდი გამოიწერა – იტალიაში ამ ტრანსფერს გადაწყვეტილად მიიჩნევენ

საინტერესოდ ვითარდება მოვლენები:

უკვე არაერთი იტალიური წყარო იუწყება, რომ მაურო იკარდი ცალი ფეხით ტურინში გადასული.. ეს ბუნებრივია მას შემდეგ რაც ინტერის 9-იანს კაპიტნის სამკლაურიც ჩამოართვეს და გუნდიდანაც გარიცხეს.. მართალია დროებით, თუმცა ნერიძურის მესვეურები მას იქამდე არ დააბრუნებენ სანამ ბოდიშს არ მოიხდის..

ვანდა ნარა კი ინტენსიურ მოლაპარაკებებს მართავს ფაბიო პარატიჩთან და როგორც ჩანს წარმატებითაც.. იკარდი თანახმაა კარიერის ტურინში გაგრძელებაზე.. მას არ სურს იტალიის დაკარგვა და არც მილანიდან მაინც და მაინც შორს წასვლა..

არსებულ სიტუაციაში კი ტურინში გადაბარგება და რონალდუსთან მხარდამხარ თამაში მისთვის იდეალური გამოსავალია, მითუმეტეს იუვე მის მიმართ ინტერეს უკვე დიდი ხანია იჩენს და არგენტინელისთვის ასეთ ყურადღებას აქვს მნიშვნელობა.

სხვათაშორის სწორედ დღეს ჯორჯო კიელინიმ ინსტაგრამზე მაურო იკარდის ოფიციალური გვერდი გამოიწერა, რასაც თავისთავად სოციალურ ქსელში შესაბამისი გამოხმაურება მოჰყვა.

ყველა წამყვანი იტალიური გამომცემლობა აღნიშნულ საკითხს დიდ ყურადღებას უთმობს და იუვენტუსს მოწინავე პოზიციებზე აყენებს იკარდის ხელში ჩაგდების თვალსაზრისით..