დელ პიერო ნაპოლისთან და ატლეტიკოსთან დაპირისპირებებზე

დელ პიერო ნაპოლისთან და ატლეტიკოსთან მოახლოებულ დაპირისპირებებზე საუბრობდა ერთ-ერთ იტალიურ ტელეარხზე:

“ნაპოლი კარგი ტესტი იქნება და ალეგრის 100%-ით ვეთანხმები.. გუნდი საკუთარ ხასიათს კიდევ ერთხელ გამოცდის.. გამარჯვება გუნდს დამატებით თავდაჯერებულობას შეძენს, თუმცა მეორეს მხრივ არაა გამორიცხული ეს 90 წუთი უფრო დიდ მატჩისადმი მომზადებას დაეთმოს.

ატლეტიკომ ტურინელებს ისეთი ტკივილი მიაყენა, რომლის დავიწყება იოლი არ იქნება და შესაბამისად გუნდის თითოეული წევრი ახლა ამ შეხვედრით ცხოვრობს..

მთავარია ალეგრიმ ეს აგრესია სწორი გზით განავითაროს და მაშინ შეჩერება წარმოუდგენლად რთული იქნება. წელს იუვეს მართლაც ჰყავს გუნდი, რომელსაც ნებისმიერი სირთულის და ბარიერის დაძლევა შეუძლია!

ალეგრის კრიტიკა? პირლოს კომენტარი მოვისმინე სადაც ის გუნდს სისწრაფეს უწუნებდა. გარკვეული რამ თავადაც შევამჩნიე, თუმცა არ დავივიწყოთ პირველი ტაიმი.. მას სრულად აკონტროლებდა ალეგრის გუნდი.. მეორე ნახევარში კი მადრიდელებმა სწორი სვლები განახორციელეს, რაზეც იუვეს მხრიდან რეაგირებამ დააგვინა..

რთული მატჩის პირობებში უკანასკნელ 10 წუთში რონალდუს მაინც შეეძლო ანგარიშის შეცვლა, რაც კარგად მიუთითებს იმაზე, რომ ატლეტიკოს დაცვა ასეთი გაუვალიც არ არის როგორსაც მას უწოდებენ..

კოშტა? იუვენტუსის ძალა გუნდურობაშია და თითოეული ფეხბურთელი, რომელიც მოედანზე გამოვა ერთი იდეისთვის შეუტევს..”