ალეგრი ნაპოლისთან მატჩზე და საკუთარ მომავალზე

მაქს ალეგრი ნაპოლისთან მატჩზე:

“აუცილებელი იქნება ფოკუსირება დადებით ასპექტებზე მოვახდინოთ. ჩვენ საკმაოდ კარგად ვუძლებდით სირთულეებს, რომელიც ნაპოლისგან იყო შექმნილი. 16 ქულიანი სხვაობა ბუნებრივია ყველაფერზე ნათლად მეტყველებს.

ჩვენის მხრივ უყურადღებოდ ვმოქმედებდით ელემენტარულ პროცესებში, როდესაც მარტივად ვკარგავდით ბურთს არასწორი გადაცემების შედეგად. შესაბამისად სხვა მატჩებში ტექნიკური თვალსაზრისით მეტი დაკვირვება გვმართებს.

აუცილებელია ატლეტიკოსთან შეხვედრაში ყოველგვარი ვნებათაღელვის გარეშე ვიმოქმედოთ.. ვიყოთ ძალზედ ტექნიკურები და ცივსისხლიანები.. იმ შემთხვევაში თუ 70 წუთისთვის ანგარიში 0-0 იქნება, პანიკამ არ უნდა მოგვიცვას, რადგან თავადვე ორი გოლი 5 წუთში გავუშვით.

ჩვენ უნდა დავძლიოთ ზეწოლა და ჩავატაროთ კარგი საფეხბურთო მატჩი, რომლისგანაც სიამოვნებას მივიღებთ. რისკი? დიახ, რისკზე წასვლა აუცილებელი იქნება და ჩვენ მაქსიმუმს გავაკეთებთ მათთვის პრობლემების შესაქმნელად.

პიანიჩის გაძევება ჩვენთვის ძლიერი დარტყმა აღმოჩნდა.. სიმართლე ითქვას ადრევე უნდა გამეყვანა მინდვრიდან, რადგან ყვითელი უკვე მიღებული ჰქონდა. ბოსნიელის გაძევებამ ჩვენი გეგმები არია და გუნდს პრობლემები შეექმნა, ხოლო მეტოქემ ზეწოლა გაზარდა.

მივეცით შანსი 11-იანი დარტყმა შეესრულებინათ, მაგრამ ინსინიემ შეცდომა დაუშვა და სწორედ აქ მორჩა ყველაფერი. თამამად შეგვიძლია ვთქვათ, რომ სკუდეტოს ხუთნახევარი გამარჯვება გვაშორებს.. 16 ქულიანი ჰანდიკაპი როგორც უკვე ვთქვი დიდია, მაგრამ მათემატიკურად სანამ არ გავინაღდებთ მოდუნება დაუშვებელია.

რაც შეეხება ჩემს მომავალს.. სეზონის დასრულებამდე ჩვენ აუცილებლად დავსხდებით მოლაპარაკებების მაგიდასთან.. განვიხილავთ, როგორც მიმდინარე წელს, ასევე მოახლოებულს, რათა საუკეთესო გეგმაზე შევთანხმდეთ”.