ფეხბურთელების შეფასებები

გთავაზობთ იუვენტუსის ფეხბურთელების შეფასებებს ატლეტიკოსთან ჩატარებული მატჩის შემდეგ:

შესნი – 6 – ატლეტიკოსთვის მისთვის პრობლემები არ შეუქმნია, მაგრამ როცა საჭირო ხდებოდა თავდაჯერებულად ერთვებოდა სიტუაციაში.

კანსელუ – 7.5 – პირველ ნახევარში მცირე პრობლემებს განიცდიდა.. ელემენტარულ გადაცემებში უშვებდა შეცდომებს და არც მეორე ტაიმში უთამაშია ბოლომდე საიმედოდ.. თუმცა, რონალდუს მეორე გოლზე გადაცემა მან გაუკეთა და საერთოდაც მეორე 45 წუთში შეტევაში ბევრად პროდუქტიულად ირჯებოდა.

ბონუჩი – 7.5 – თამაშის შემდეგ მორატას და გრიზმანს თავისუფლად შეეძლოთ ბურთის ფორმა გამოეთხოვათ და ენახათ როგორი იყო ის, რადგან ლეონარდომ ორივე საიმედოდ ჩარაზა და ბურთის გარეშე დატოვა.

კიელინი – 8 – ამ საღამოს მისი ზონიდან ვერავინ გავიდა.. უფრო მეტიც, აქტიურად ეხმარებოდა როგორც ნახევარდაცვას პრესინგში, ასევე შეტევასაც.. კაპიტანი მოწოდების სიმაღლეზე იყო!

სპინაცოლა – 7.5 – დომინირებდა შესაშური სიმშვიდით მარცხენა ფლანგზე.. მისი მოულოდნელი გადაწყვეტილებები ჩოლოს გუნდისთვის დამატებითი თავისტკივილი გახდა.. მოედანს ხმაურიანი აპლოდისმენტების ქვეშ ტოვებს, რომელიც 100%-ით დაიმსახურა!

დიბალა 67 წუთიდან – 6.5 – გამოდის, რათა იუვეს საჭირო წუთები და ტექნიკა შემატოს.. განსაკუთრებით საჭირო გახდა ბოლო წუთებში, სადაც ჭკვიანურად იჭერდა ბურთს და ჰქმნიდა მოედანზე რიცხობრივ უპირატესობას.

ემრე ჯანი – 8 – დარწმუნებულები ვართ, რომ ღამე მორატას კოშმარები ესიზმრებოდა, რადგან პირველ ტაიმში ჯანმა ადგა და უბრალოდ წაშალა მოედნიდან. მესამე მცველის ამპლუაში უზადოდ ირჯებოდა და აძლევდა გუნდს მშვიდად ყოფნის საშუალებას. პერიოდულად სქემის ცვალებადობასთან ერთად იცვლიდა პოზიციას და ყველგან სადაც დგებოდა იყო უშეცდომო!

პიანიჩი – 8 – ყოველთვის ჩნდებოდა საჭირო დროს, საჭირო ადგილას. ეხმარება პარტნიორებს რთული ამოცანების გადაჭრაში და ცდილობს საკუთარი საუკეთესო თვისებების დემონსტრირებას.

მატუიდი – 7 – სირბილი, სირბილი და სირბილი! სხვა დაღლას გრძნობას, მას ეს არ აწუხებს! არის ცარიელი ზონა? მატუიდი მას ამოავსებს.. არის შეცდომები გადაცემებში, თუმცა პარტნიორებიც აქტიურად ეხმარებოდნენ.

ბერნარდესკი – 8.5 – შეუჩერებელი თავისტკივილი ჩოლოსთვის.. ზონებს შორის მფრინავი ბერნარდესკი მუდმივი დაძაბულობის ქვეშ ამყოფებს ატლეტიკოს ორ ზონას ერთდროულად.. შექმნა პირველი გოლი საოცარი გადაცემით რონალდუზე და საბოლოო ლურსმანიც მადრიდული კლუბის კუბოში მისმა სოლო რეიდმა დაუსვა, რომელიც 11-იანით და რონალდუს მესამე გოლით დასრულდა!

რონალდუ – 10 – როდესაც საჭირო არის გმირის გამოჩენა.. როდესაც სიტუაცია ეპიკურია და საჭიროა ზუსტად ის ადამიანი ვინც ადგება და იტყვის თავის სიტყვას! კრიშტიანომ ყველაფერი გააკეთა იმისთვის, რომ ატლეტიკო ასეთ დღეში ჩავარდნილიყო.. გუნდზე მოთამაშე, ყველა ზონაში მყოფი და ბოლოს ბუნებრივია დამაგვირგვინებელი.. დიახ, ეს მსოფლიოს საუკეთესო ფეხბურთელია!

მანჯუკიჩი – 6 – არ არის სათანადო კონდიციაში, მაგრამ მუდამ მზად არის საბრძოლველად.. არ იხევს უკან და ცდილობს პარტნიორებს თავისუფალი სივრცეები შეუქმნას.

კინი – 6.5 – გამოდის 10 წუთით და კინაღამ ის ხდება ამ საღამოს ერთ-ერთი მთავარი გმირი.. შემართება და ცივსისხლიანობა ასეთ ასაკში აპლოდისმენტებს იმსახურებს.

ალეგრი – 9 – რეცეპტი თუ როგორ უნდა შეიქმნას დიდი ამბავი ბოლომდე ცნობილი არ არის, მაგრამ მაქსმა გარკვეული კონტურები მაინც მოგვიხაზა.. ბერნარდესკი ზონებს შორის მოძრავი, სპინაცოლა მარცხენა ფლანგზე მორბენალი, ხოლო ემრე ჯანი ასეთი უზადო დაცვაში.. ეს იყო მისი ვენდეტა მათ მიმართ, ვისაც შეშლილის არ ჯეროდა..