ალეგრი:”ამ იდიოტებს სტადიონზე შესვლა სამუდამოდ უნდა აუკრძალონ”

მაქს ალეგრი მატჩზე და რასისტულ გამოხტომებზე:

“უმჯობესია ჯერ საუბარი მატჩით დავიწყოთ, რომელიც არაჩვეულებრივად ჩავატარეთ.. ეს იყო ის აგრესია რასაც ბიჭებისგან ველოდი და რისი დემონსტრირებაც ემპოლისთან სასურველ დონეზე ვერ მოვახერხეთ. მეტოქისთვის ფაქტიურად შანსი არ მიგვიცია, არადა კალიარი საკუთარ კედლებში საკმაოდ ძლიერია.

კინმა დღესაც მოახერხა გატანა და ამ ფაქტით ბედნიერი ვარ.. ეს ბიჭი დღიდან-დღემდე პროგრესირებს, მაგრამ პირველ ტაიმში არცთუ პროდუქტიულად ირჯებოდა, რაზეც მუშაობა მოუწევს.. მეორე ნახევარში კი გაცილებით ცივსისხლიანი გახდა.

რასისტული სკანდირებები სიმართლე გითხრათ არ მესმოდა, მხოლოდ იმიტომ რომ მატჩში ბოლომდე ვიყავი ჩართული. ფეხბურთელს დიდი ნებისყოფა და მაღალი ინტელექტი უნდა გააჩნდეს, რომ მსგავსი იდიოტების სიტყვებს არ აყვეს და ქომაგების პროვოცირება თავიდან აიცილოს.

სტადიონზე უამრავი ადამიანი მოდის.. ძირითადად ესენი არიან ფეხბურთის ჭეშმარიტი ქომაგები.. ამ ქომაგებში კი არიან ნამდვილი იდიოტები, რომლებიც აუცილებლად უნდა დაიჭირონ, რადგან ისინი ანადგურებენ იმ ყველაფერს რისი გაკეთებაც გულით გვსურს..

საბედნიეროდ დღეისათვის გვაქვს ასეთი იდიოტების ამომცნობი ტექნიკა.. საკმარისია სამართალდამცავებმა ჩანაწერებს უყურონ და ყველაფერი ნათელი გახდა.. ისინი არა ერთი ან ორი წლით, არამედ სტადიონზე შესვლა სიცოცხლის ბოლომდე უნდა აუკრძალონ”.