ალეგრი: “რონალდო ითამაშებს”

იტალიელი სპეციალისტი სანახაობას გვპირდება

ჩემპიონთა ლიგის 1/4 ფინალში ამსტერდამის აიაქსთან გასამართი მატჩის წინ, ტურინის იუვენტუსის თავკაცი მასიმილიანო ალეგრი ჟურნალისტებს შეხვდა:

“აიაქსი ძლიერი გუნდია, რომელსაც უდიდესი ისტორია აქვთ. მათ იუვეს წინააღმდეგ ფინალიც ნათამაშები აქვთ. მარტივი არ იქნება. ხვალ ორრაუნდიანი დაპირისპირების პირველი შეხვედრა გაიმართება, სადაც ღია და ტექნიკურ ფეხბურთს ვისურვებდი..

ვწუხვარ კიელინის და ჩანის არ ყოფნის გამო, თუმცა როგორც აღვნიშნეთ კარგი ვარჯიში გვქონდა და მათი შეცვლა შეგვიძლია.”

ამის შემდეგ, მასიმილიანო ალეგრიმ ვარჯიში გამართა, სადაც რამდენიმე ტაქტიკური ვარიანტი განიხილა. იტალიური პრესის აზრით, ვარჯიშებიდან გამომდინარე შემდეგ შემადგენლობას უნდა ველოდოთ:

შესნი; დე შილიო, ბონუჩი, რუგანი, სანდრო; ბენტანკური, პიანიჩი, მატუიდი; ბერნარდესკი, მანჯუკიჩი, რონალდო.