ტუტოსპორტი სავარაუდო სასტარტოს აქვეყნებს

გთავაზობთ ტუტოსპორტის მიერ გამოქვეყნებულ საორიენტაციო სასტარტო შემადგენლობას:

თუ აქამდე მასიმილიანო ალეგრის გარკვეული საკადრო პრობლემები ნახევარდაცვაში, ხოლო შემდეგ თავდასხმის ზონაში ჰქონდა, ახლა თავსატეხი დაცვის ცენტრალურ ზონაში შეექმნა..

კალიარისთან შეხვედრაში ჯერ მარტინ კასერესი დაშავდა, ხოლო შემდეგ ერთ-ერთ უკანასკნელ საწვრთნელ სესიაზე ჯორჯო კიელინი. მართალია განაცხადში ანდრეა ბარძალი დაბრუნდა, მაგრამ რამდენიმე თვიანი პაუზის შემდეგ რამდენად ენდობა და სასტარტოში დააყენებს გამოცდილ “კედელს” რთული საკითხავია.

კარში ვოიცეხ შესნი იდგება, მიუხედავად იმისა რომ მატია პერინიმ ტრავმა მოიშუშა და ბარძალისთან ერთად განაცხადში დაბრუნდა..

დაცვის მარჯვენა ფლანგზე ჟოაო კანსელუს სასტარტოში დაბრუნებას უნდა ველოდოთ, ხოლო მარცხენა ფლანგზე წესით და რიგით ალექს სანდრო გაირჯება..

ცენტრალურ ზონაში ამ ეტაპზე ორი ჯანმრთელი მცველი არის დარჩენილი.. საუბარი ლეონარდო ბონუჩის და დანიელე რუგანის ეხება.. შესაბამისად მათი ერთად თამაში ამ ეტაპზე კითხვებს არ იწვევს.

ნახევარდაცვაში პრობლემები ემრე ჯანის ტრავმამ შექმნა.. გერმანელი საოცარ ფორმაში იმყოფებოდა და ალეგრის გუნდისთვის უკანასკნელ ხანებში დიდ ძალად ჩამოყალიბდა. მის არყოფნაში ალეგრი ფსონს როდრიგო ბენტანკურზე, ბლეზ მატუიდიზე და მირალემ პიანიჩზე გააკეთებს.

რაც შეეხება წინა ხაზს.. ალეგრიმ დაადასტურა, რომ კრიშტიანო რონალდუ მზად არის მოედანზე გამოსასვლელად.. შესაბამისად პორტუგალიელს საწყის წუთებშივე უნდა ველოდოთ ამსტერდამელთა წინააღმდეგ.

მას კი პარტნიორობას მარიო მანჯუკიჩი და ფედერიკო ბერნარდესკი გაუწევენ..