ანდრეა ბარძალი:”დიდ ფეხბურთში ეს ჩემი უკანასკნელი სეზონია”

მატჩის დასრულების შემდეგ იუვენტუსის ვეტერანმა მცველმა ანდრეა ბარძალიმ სქაი სპორტთან საუბარში განაცხადა, რომ დიდ ფეხბურთს სეზონის დასრულებისთანავე დაემშვიდობება:

“იმედგაცრუებული დავრჩი, რადგან კარგი შეხვედრა ჩავატარეთ.. ახალგაზრდებმა განსაკუთრებულად კარგი შთაბეჭდილება დატოვეს, თუმცა მათი თავგადასავლი ახლა იწყება.

საკუთარ მომავალზე ბევრი ვიფიქრე და მივხვდი, რომ ამდენი ტრავმის და ჩემი ასაკის ფონზე დროა დავისვენო.. დავისვენო და ამის შემდეგ ვიფიქრო თუ რითი დავკავდები..

ეს სამყარო იმდენად ჩემშია და იმდენად მიყვარს, რომ მის გარეშე ყოფნა წარმოუდგენელია.. შესაბამისად, ჩემს წინ ფაქტიურად ყველა კარი ღიაა და არჩევანს მშვიდ გარემოში გავაკეთებ. მწვრთნელი თუ მენეჯერი? ამას დრო გვიჩვენებს, თუმცა თავად ყველა ვარიანტი როგორც უკვე გითხარით, ძალიან მიზიდავს.

ახალგაზრდებს ვურჩევ, რომ აქცენტი გააკეთონ მუხლჩაუხრელ შრომაზე.. კარიერის მანძილზე ბევრი უაზრო საუბრები მესმოდა და რეალურად ის ხდებოდა გამარჯვებული, ვინც გამოცდილ მოთამაშეებს უგდებდა ყურს და ბევრს შრომობდა.. ამიტომაც კარგი იქნება თუ იმას მოუსმენენ, ვინც დიდი გამოცდილება დააგროვა და იცი რას ნიშნავს ეს სამყარო”.