ანიელი: “ჩვენ გუნდს ალეგრისთან ერთად ზრდა შეუძლია”

“აიაქსთან” მატჩის შემდეგ პრესასთან კლუბის პრეზიდენტმა ანდრე ანიელიმაც იასაუბრა:

გასული სეზონიდან მოყოლებული ჩვენ ვამბობთ, რომ ჩვენი უმთავრესი ამოცანა იქნება “ჩემპიონთა ლიგის” მოგება და ეს ყოველ წელს ასე იქნება. 

დღეს საღამოს მოედანზე გვყავდა ძალიან ნიჭიერი ახალგაზრდა ფეხბურთელები, რომლებსაც ალეგრისთან ერთად შეუძლიათ გაიზარდონ და მწვერვალებს მიაღწიონ. 

სეზონის ბოლოს ჩვენ კვლავ მივუსხდებით მოლაპარაკებების მაგიდას და ვიმსჯელებთ “იუვენტუსის” უკეთეს მომავალზე. 

ნუ გავწყდებათ , რომ ჩვენ უკანასკნელი 5-6 წლის მანძილზე ყოველთვის გავდივართ მეოთხედფინალში, რაც მერწმუნეთ რომ  ძალიან ძნელია. 

ყოველ წელს გვინდა გავაგრძელოთ პროგრესირება და ამისთვის ყველაფერს ვაკეთებს.  ძალიან ახლოს ვართ ზედიზედ მერვე სკუდეტოს მოგებასთან, ეს წარმოუდგენელია. 

“იუვენტუსი” უეფას რეიტინგში 43-ე ადგილზე იყო დღეს კი მეხუთე ადგილზე ვიმყოფებით ეს არის ამ არანორმალური მუშაობის შედეგი, რომლის გაუმჯობესებაც არის ჩვენი მიზანი.

“აიაქსი”  – ეს არის გუნდი რომელიც ზრდის ბრწყინვალე ფეხბურთელებს, ამ ახალგაზრდა ფეხბურთელებმა სულ რამდენიმე წელია რაც დიდ ფეხბურთში შეაბიჯეს და სასწაულებს ჩადიან, ისინი ტოლსწორად ეთამაშნენ “ბაიერნს”, ასპარეზობას გამოთიშეს “რეალი” და “იუვენტუსი”.

ისინი ფსიქოლოგიურად არანაირ წნეხს არ განიცდიან და თამაშობენ ლაღ ფეხბურთს. ჩვენ კი მათ წინაშე ქედი უნდა მოვიხაროთ. როგორც “იუვენტუსის” გულშემატკივარს თითოეული წაგება გულს მტკენს, მაგრამ ისიც უნდა ვაღიაროთ რომ კონკრეტულ მომენტში შესაძლოა შენი მოწინააღმდეგე შენზე უკეთეს ფეხბურთს აჩვენებდეს.

ახლანდელი “აიაქსი” მაგონებს “მონაკოს” რომელიც ორი წლის მანძილზე ბრწინვალე ფეხბურთს თამაშობდა. ვნახოთ რა იქნება უახლოეს ორ წელიწადში და როგორი იქნება მათი შემადგენლობა.