რა დაგემართა ჟოაო?

ჟოაო კანსელუ – ფეხბურთელი, რომელიც თამამად შეიძლება მიმდინარე სეზონის მთავარი აღმოჩენა გამხდარიყო, მაგრამ სეზონის მეორე ნახევარში პორტუგალიელი საოცრად არასტაბილურია:

საკმაოდ ბევრი კითხვები ისმის მისი მისამართით.. სხვათაშორის ანალოგიური შემთხვევა იყო ინტერში ყოფნის დროსაც.. სეზონის გარკვეულ ეტაპზე იგი დამაჯერებელ თამაშს აჩვენებდა.. შესაბამისად, ნერიაძურის ფანები თვლიდნენ, რომ კლუბს იგი ვალენსიადან დაუყონებლივ უნდა გამოესყიდა..

რიგი მიზეზების გამო ეს ასე არ მოხდა, მაგრამ დიდი წუხილი ამ თემაზე მაინც არ ყოფილა, რადგან ჟოამ ინტერში კარგი თამაშები, სწორედ ისეთი ჩაგდებულებით ჩაანაცვალა, როგორც მაგალითად მისი უსახური შემოსვლა იყო აიაქსთან დაპირისპირებისას..

ის ფაქტი, რომ მატია დე შილიომ რონალდუს თანამემამულე არაერთხელ დასვა სათადარიგოთა სკამზე უკვე ბადებს გარკვეულ კითხვებს.. ბევრი ხელს ალეგრისკენ იშვერს, მაგრამ ასეთი ფანების რაოდენობაც უკვე სიმცირისკენ მიიწევს, რადგან თავადაც ხედავენ როგორ რეგრესირებს 40 მილიონიანი ტრანსფერი..

ამსტერდამელებთან შეხვედრაში შემოსულმა ვერ შესძინა გუნდს საჭირო სისწრაფე, თავდაჯერებულობა და რაც მთავარია სიახლე.. მაგალითისთვის გეტყვით სტეფან ლიხტშტაინერის მოედანზე გამოსვლას ტოტენჰემთან, როდესაც გუნდს ფლანგებზე შედარებით მობილური მოთამაშე დაჭირდა.. შედეგი ყველამ კარგად დავინახეთ.. არ იფიქროთ, რომ მონაცემებს ვადარებ ერთმანეთს, აქ საუბარი პოზიციურად იდენტურ მოთამაშეებზეა.

ინტერის ფანები უკვე იმასაც კი ამბობენ, რომ ჟოაოს არ დამატებით ხელმძღვანელობამ სწორი არჩევანი გააკეთა, ხოლო იუვენტუსმა შეიძინა პროდუქტი რომელიც კარგად იყო შეფუთული.. რა ბედი ეწევა კანსელუს? კლუბი ბუნებრივია არ გაყიდის მას, მაგრამ მოახლოებულ სეზონში თუ ხუან კუადრადომ ტრავმა არ მიიღო, მაშინ ნაკლებად მოსალოდნელია იგი სასტარტოში ხშირად ვიხილოთ..

პორტუგალიელის სტატისტიკა ამ ეტაპზე ასე გამოიყურება: სერია ა-ს 20 შეხვედრაში ერთი გატანილი გოლი და 5 საგოლე გადაცემა.. ჩემპიონთა ლიგის 7 მატჩში 1 საგოლე გადაცემა.. პრინციპში აქ მეტოქისთვის ჩაბარებული ბურთები, რომ ითვლებოდეს რომლებიც შემდგომ იუვენტუსის კარში გავიდა ან სახიფათო მომენტი შეიქმნა მაშინ ეს ციფრები გაცილებით შთამბეჭდავი იქნებოდა ვიდრე ზემოთხსენებული.

ჩნდება კითხვა.. უნდა ეცადოს იუვენტუსი მის სარფიანად გაყიდვას (იუნაიტედი დაახლოებით 60 მილიონს იხდის), თუ როგორც ალექს სანდროს შემთხვევაში მოხდა დაიტოვოს და ეცადოს მის განვითარებას? ბუნებრივია უნდა ეცადოს მის განვითარებას თუ გავითვალისწინებთ ასაკს.. უბრალოდ ეს გარკვეულ ფინანსურ რისკთანაც არის დაკავშირებული და თავისთავად სპორტულთანაც..