ზიდანი ნახევარდაცვის გაძლიერებას იუვენტუსის გავლითაც აპირებს

ზინედინ ზიდანი პოლ პოგბათი არ დაკმაყოფილდება:

ფრანგ სპეციალისტს შუა ხაზის მნიშნელოვანი გადახალისება აქვს გადაწყვეტილი და თუ თავის დროზე, იუვემ ვერ მოახერხა პოლ პოგბას და მირალემ პიანიჩის ნახევარდაცვაში ერთად დაყენება, ამის რეალური შანსი ახლა ზიზუს აქვს.

საქმე იმაშია, რომ ტურინელები თავის მხრივ ინვესტიციების მოძიებით არიან დაკავებულნი, რათა გარკვეული ზონები კიდევ უფრო გააძლიერონ..

შესაბამისად მათთვის ფეხბურთელები, რომლებიც პირობითად ერთი წლის წინ იყვნენ ხელშეუხებელნი, დღეისათვის მსუყე წინადადების შემთხვევაში ასეთი სტატუსით ვეღარ ისარგებლებენ..

ერთ-ერთი ასეთი როგორც ჩანს მირალემ პიანიჩია.. მასთან ერთად პაულო დიბალაც..

ბოსნიელთან დაკავშირებით თუ იტალიურ მედიას და კერძოდ კალჩომერკატოს დავუჯერებთ, 70 მილიონიანი წინადადების შემთხვევაში გამორიცხული არაფერია.

მეორეს მხრივ ეს სიახლე, სამიოდე დღის წინ გავრცელებულ ტუტოსპორტის ინფორმაციას რადიკალურად ეწინააღმდეგება:

ტურინული გამომცემლობა წერდა, რომ იუვე შუახაზელთან კონტრაქტსაც გაახანგრძლივებდა და თუ ვინმეს მისი შეძენა მოუნდებოდა მინიმუმ 130 მილიონის გადახდა მოუწევდა..

თავის მხრივ არ უნდა დავივიწყოთ ის ფაქტიც, რომ შესაძლოა სწორედ მირალემის დახმარებით გახდეს შესაძლებელი მადრიდიდან ისკო ალარკონის, ტონი კროოსის ან მარსელოს ტურინში გადაყვანა.. სამივე მათგანის მიმართ იუვენტუსის ინტერესი საკმაოდ დიდია.