ფეხბურთელების შეფასებები

გთავაზობთ იუვენტუსის ფეხბურთელების შეფასებას დერბი დ’იტალიის შემდეგ:

შესნი – 5.5 – მის კისერზეა ნაინგოლანის გოლი, მაგრამ საიმედოა სხვა ეპიზოდებში.

კანსელუ – 5.5 – პირველ ნახევარში დაცვის ხაზში საკმაოდ არასტაბილურად მოქმედებს.. გადატვირთვას ახორციელებს მეორე ნახევარში და შედარებით პროდუქტიულია წინა ხაზში.

ბონუჩი – 6 – მართალია გარკვეულ სირთულეებს განიცდიდა, მაგრამ მაურო იკარდი თვალთახედვის არელიდან არ გაქცევია.

კიელინი – 6 – პირველ ტაიმში იგიც განიცდიდა პრობლემებს, მაგრამ ჯორჯო კედელია რომლის გარეშე იუვეს სტაბილურად თამაში ძალიან გაუჭირდება.

ალექს სანდრო – 6 – შეგვიძლია ვთქვათ, რომ პირველ ნახევარში თანაგუნდელთაგან ერთ-ერთი საუკეთესო იყო.

სპინაცოლა – 6.5 – 49 წუთიდან – ეფექტურად შემოდის და მუდამ მზად არის შემტევ მანევრირებებში პარტნიორებს დახმარების ხელი გაუწოდოს.. ბურთს იღებს თუ დაძაბულობას ჰქმნის მეტოქის ნახევარზე.

კუადრადო – 5.5 – არ არის იდეალურ კონდიციებში, მაგრამ არ უნდა დავივიწყოთ და დავუკარგოთ კოლუმბიელს ის ფაქტი, რომ არასოდეს ნებდება! ბევრს დარბის და ცდილობს თავისუფალი ზონების ამოვსებას.

პიანიჩი – 7 – პირველ ნახევარში სანდროსთან ერთად პროდუქტიულად მოქმედებს.. მეორე ნახევარში რაც იუვენტუსმა თამაშის სადავეები ხელთ იგდო, მანაც უფრო შთამბეჭდავად იასპარეზა და რონალდუს გოლში ეფექტური მონაწილეობაც მიიღო.

ემრე ჯანი – 6.5 – თავდაპირველი სირთულის შემდეგ, საკუთარი ფიზიკური კონდიციების ხარჯზე მოედნის ცენტრში ბატონობს მირალემთან ერთად.

მატუიდი – 5.5 – ფრანგი აშკარად გადაღლილია და მისი მოქმედებები ნერიაძურის წინააღმდეგ ამას ნათლად ადასტურებდა.

კინი – 6 – მე-60 წუთიდან ერთვება შეხვედრაში ჩვეული ჯანსაღი საფეხბურთო აგრესიით.. მეტოქეს ბურთის ამოტანაში დიდ თავსატეხს უჩენს საკუთარი ენერგიული პრესინგით.

რონალდუ – 7.5 – პორტუგალიელს არ სურდა მარცხი და წაიყვანა გუნდი წარმატებისკენ.. მისი მოქმედებებით იუვე გამოფხიზლდა და ნაყოფიერი მეორე ნახევარი ჩაატარა.. პიანიჩთან კომბინაცია და გოლი ამ საღამოს ლოგიკური შედეგი იყო.

ბერნარდესკი – 5 – არის გრძნობა, რომ სწორედ ბერნარდესკი დააბრუნებდა იუვეს თამაში, მაგრამ რატომღაც ხშირად ცდებოდა..

ალეგრი – 6 – პირველ ტაიმში მთელმა რიგმა ექსპერიმენტებმა არ გაამართლა, მაგრამ მეორე 45 წუთში პოულობს შესაბამის მოდულს, რითაც ინტერს გაუსაძლის პირობებში ამყოფებს, ხოლო რონალდუ საქმეს ასრულებს..