ანიელი: “დამშვიდობება საკმაოდ ემოციურია”

დღეს, თბილისის დროით 14 საათზე, Allianz Stadium-ის საკონფერენციო ჰოლში ჟურნალისტებს ტურინის იუვენტუსის პრეზიტენდი ანდრეა ანიელი და მთავარი მწვრთნელი მასიმილიანო ალეგრი შეხვდნენ.

პრესკონფერენციის მთავარი თემა ალეგრის გუნდიდან წასვლა იყო. იტალიელი სპეციალისტი ტურინულ გრანდს სეზონის ბოლოს დატოვებს. შეხვედრა საკმაოდ ემოციური და საინტერესო გამოდგა.

ჟურნალისტების კითვების დაწყებამდე, ანდრეა ანიელიმ სიტყვა წამოთქვა:

“მოდით საუბარს მე დავიწყებ. ბედნიერი ვარ აქ ყოფნით. სანამ კითხვებს დამისვამდეთ, მინდა გითხრათ, რომ 2019/20 სეზონის მთავარი მწვრთნელის კანდიდატურებზე არ ვისაუბრებ. დღეს აქ პირადად მაქსისთვის და მისი წარმატების აღსანიშნავად ვართ..

ალეგრიმ იუვენტუსის ისტორია დაწერა. მან სკუდეტოს მოგება 5 ჯერ ზედიზედ შეძლო, რაც ისტორიული შედეგია. მსგავსი რამ 30 წელია არ ყოფილა..

2013 წლის მაისში ფაბიოსთან ერთად ლონდრაში ვიყავი. ამავე სასტუმროში იმყოფებოდა მაქსიც. ფაბიოს ვუთხარი, რომ ის აუცილებლად გახდებოდა ჩვენი მწვრთნელი. 14 თვის შემდეგ ის ჩვენთან მოვიდა და ისტორია დაწერა..

5 სკუდეტო, 4 კოპა იტალია, 2 სუპერთასი და ჩემპიონთა ლიგის 2 ფინალი. საოცარი ციფრებია, რომელიც აპლოდისმენტებს იმსახურებს. ამ ყველაფრის მონაწილე ასევე გახლდათ ანდრეა ბარძალი, რომელიც ასევე დაგვტოვებს სეზონის ბოლოს..

პირველი გუნდი სეზონს ივლისში განაახლებს. ჩვენ უამრავი ტიტულის მოგებას ვგეგმავთ. ასევე გრანდიოზული პროექტი გვაქვს 23-წლამდე შემადგენლობაში და ქალთა გუნდში..

გეგმები მაქვს პაველ ნედვედთან და ფაბიო პარატიჩთან ერთად, რომლებიც კომპანიის სათავეში ჩადგნენ. აიაქსთან მარცხის შემდეგ მაქსთან განშორებაზე არ გვიფიქრია. ამის შემდეგ დავსხედით, განვიხილეთ მომავალი და ყველამ ერთად მივიღეთ გადაწყვეტილება.”

კითხვა ანიელის: რა შეიცვალა ბოლო თვეებში? უკავშირდება თუ არა ეს ნედვედს და აზრთა სხვადასხვაობას?

“ამის შესახებ უკვე განვაცხადე. ჩვენ ყველამ ერთად განვიხილეთ მომავალი და მივიღეთ ის გადაწყვეტილება, რომელიც უკეთესი იქნება გუნდისთვის.”

კითხვა ალეგრის: გაიხსენეთ ამ 5 წლის საუკეთესო მომენტები? როდის მიხვდით, რომ ვერ აისრულეთ ის ოცნება, რომელიც თვეების წინ გქონდათ?

“დილამშვიდობისათ. მსურს მადლობა გადავუხადო პრეზიდენტ ანიელის ლამაზი სიტყვებისთვის. ასევე მადლობა ბიჭებს. მადლობა მთელს გუნდს, კოლექტივს და მოთამაშეებს. ვტოვებ გუნდს, რომელსაც აქვს გამარჯვების მენტალიტეტი. წელს სამწუხაროდ ვერ შევძელით ყველაფრის გაკეთება რაც გვსურდა..

გადაწყვეტილება ანიელისთან, ნედვედთან და პარატიჩთან საუბრის შემდეგ მივიღეთ. ჩვენ ერთად ძალიან ბევრი გამოვიარეთ. ეტაპობრივად გავიზარდეთ. ჩვენთან ერთად იყო ჯუზეპე მაროტაც..

ვტოვებ საოცარ ხალხს. საოცარ პრეზიდენტს და ასევე ბიჭებს პაველს და ფაბიოს, რომელიც გავიცანი როგორც ბიჭები და დროთა განმავლობაში ძალიან გაიზარდნენ..

ახლა სკუდეტოს მოპოვების და ანდრეა ბარძალის გაცილების დროა. დაცვის ნამდვილი პროფესორი, რომელიც ქმნიდა ყველაფერს ლეოსთან , ჯორჯოსთან, მარტინთან და დანიელესთან ერთად. ხვალ საოცარი საღამო გველის და ყველამ ერთად უნდა ვიზეიმოთ.

როგორი იქნება თქვენი მომავალი?

მომავალზე ჯერჯერობით ვერაფერს გეტყვით. წინ დიდი დროა. შესაძლოა პაუზა ავიღო და დრო ოჯახს და მეგობრებს დავუთმო. ამაზე ფიქრს ოდნავ მოგვიანებით დავიწყებ..

ფსიქოლოგიურად ძალიან გავიზარდე, მაგრამ ასეთებიც ხდება. აზრები არ დაემთხვა მსგავსი რამ მილანსა და კალიარიში მუშაობისასაც მოხდა.

კითხვა ანიელის: ვინ იქნება მომავალი მწვრთნელი და რა კრიტერიუმებით შეარჩევთ მას?

ალეგრი: ” ბარძალი კარიერას ამთავრებს და შესაძლოა სულაც ის გახდეს მომავალი დამრიგებელი (იცინის)”

ანიელი: “ამაზე საუბარი ჯერ არ გვსურს.სეზონის ბოლოს დავსხდებით და ყველაფერს გაიგებთ.”