ადრიენ რაბიოს პრესკონფერენცია

ადრიენ რაბიო ჟურნალისტების წინაშე წარდგა.. ხოლო პრეს-კონფერენციის დასრულების შემდეგ ბიანკონერის მესვეურებმა მას 25 ნომრიანი მაისური გადაცეს:

“ტურინელებთან რამდენიმეჯერ მქონდა კონტაქტი, მაგრამ მაშინ ჩემ ცხოვრებაში სხვა დრო იდგა..

ახლა კი ვფიქრობ, მოვიდა ეს ეტაპი როდესაც ამ ნაბიჯის გადადგმა სწორია.. გეტყვით, რომ შარშანდელ სეზონში ჯიჯი ბუფონს ამ თემაზე ბევრი ვესაუბრე.

ჩვენ კარგი შესაძლებლობა გვქონდა ამისთვის და მან ბევრი საჭირო რჩევა მომცა.. იუვენტუსს ჯიჯი ხომ ძალიან კარგად იცნობს.

მასთან საკმაოდ ნაყოფიერი და კარგი ერთი წელიწადი გავატარე.. ბუფონი ჩინებული პიროვნებაა, რომელიც ბევრ ასპექტში დამეხმარა.. ბუნებრივია მისმა რჩევებმა ამ გადაწყვეტილებაზე დიდი როლი ითამაშა.

მან ბევრი საინტერესო დეტალი მიამბო გუნდზე.. კარიერული პროგრესისთვის და ახალ ეტაპზე გადასასვლელად იუვენტუსსზე უკეთეს ადგილს იშვიათად თუ ვინმე იპოვის.

ჩვენ ვსაუბრობთ კლუბზე, რომლის მაღალი ფასეულობა აშკარად იგრძნობა სხვა კლუბებთან მიმართებაში და ამან ჩემზე დიდი შთაბეჭდილება მოახდინა.

შვიდი წელი გავატარე საფრანგეთში და ახლა ეს იქნება პირველი გამოცდილება, როდესაც კარიერას სხვა ქვეყნის ჩემპიონატში განვაგრძობ.

ჩემი ამბიცია და მიზანი უცვლელია.. იტალიაში, იუვეში გადასვლით არაფერი შეიცვალა, რადგან ჩემთვის გამარჯვება უმნიშვნელოვანესია.

ყოველთვის მაქსიმუმს ვდებ და აქ იმისთვის მოვედი, რომ კლუბს წარმატების მიღწევაში დავეხმარო.. ჩვენ ყველანი ერთად დავიწყებთ მუშაობას საერთო წარმატებისთვის.

,მართალია ჯერ არ მომცემია საშუალება მაურისიო სარის შევხვედროდი და მესაუბრა, თუმცა ვისთანაც მომიწია იუვეს რიგებიდან საუბარი, თითოეულმა პოზიტიური შთაბეჭდილება დამიტოვა, შესაბისად დარწმუნებული ვარ მწვრთნელის იმიჯი შეესაბამება კლუბის რეპუტაციას.

ცხადია დიდი სურვილი მაქვს მასთან მუშაობის დაწყების, რადგან მჯერა კლუბმა სწორი სვლა განახორციელა, როდესაც გუნდი ასეთ თავკაცს ანდო.

ჩემ ფავორიტ პოზიციას რაც შეეხება, ვფიქრობ ეს ყველას კარგად მოგეხსენებათ.. უმეტესწილად სამ ნახევარმცველიან ტაქტიკაში მარცნივ ვასპარეზობ, მაგრამ ასევე შემიძლია ორ შუახაზელიან მოდულში თამაშიც.

როგორც უკვე გითხარით, საკმაოდ მრავალფუნქციური მოთამაშე ვარ, რომელსაც შეუძლია ნებისმიერ მოდულთან და როლთან ადაპტაცია.. ზემოთხსენებული კი უბრალოდ სურვილიდან გამომდინარე და მეტი არაფერი..

ბუნებრივია მაქვს შესაბამისი მოტივაცია და რესურსიც, რომ ტოპ მოთამაშეების გვერდით პროგრესი გავაგრძლო.

კრიშტიანო რონალდუ უდიდესი ფეხბურთელია, როგორც სხვა დანარჩენები რომლებიც აქ იმყოფებიან.. სწორედ ასეთი ფიგურების ყოფნამ იქონია ჩემზე გადაწყვეტილება..

ატმოსფერო ასეთი კლუბის გადასახდელში ყოველთვის პოზიტიურია, რადგან ურთიერთობა განსაკუთრებულ პროფესიონალებთან გვექნება..”