სისოკო იუვენტუსში მიმდინარე პროცესებზე

იუვენტუსის ექს შუახაზელი მომო სისოკო ყოფილ კლუბზე საუბრობს:

“მატიის დე ლიგტის სახით იუვენტუსი ისედაც ძლიერ უკანახაზს, ფაქტიურად გაუვალს ხდის.. დარწმუნებული ვარ ჰოლანდიელი ლეო ბონუჩის და ჯორჯო კიელინის გვერდით ბევრს ისწავლის.

ნახევარდაცვა? აარონ რემზის რამდენიმეჯერ შევხვდი და გეტყვით, რომ ეს არის ძალიან ძლიერი შუახაზელი.. ადრიენ რაბიომ პსჟ-ში ასპარეზობისას ყველას დაუმტკიცა, რომ კარგი მონაცემების მქონე ფეხბურთელია..

თუმცა, არ უნდა დავივიწყოთ მთავარი ფიგურები როგორებიც არიან მირალემ პიანიჩი და ბლეზ მატუიდი..

ფედერიკო კიეზა? უმჯობესი იქნება თუ ფიორენტინაში მინიმუმ ერთ სეზონს გაატარებს, ხოლო შემდეგ უკვე სიტუაცია აჩვენებს.. დიდი ტალანტის პატრონია და იუვენტუსის დონის გუნდში თავისუფლად შეეძლება თავის წარმოჩენა”.