სარის ექს ასისტენტი იგუაინზე და სარიზე..

მაურისიო სარის ყოფილი ასისტენტი ნაპოლიში კორადო საკონე გონსალო იგუაინზე საუბრობს:

“დარწმუნებული ვარ სარი კმაყოფილი დარჩა არგენტინელით, რადგან მისი ასპარეზობა პარმას წინააღმდეგ იყო ნათელი დადასტურება, რაოდენ ჭკვიანი მოთამაშეა..

მისი გადაცემების 90 %-ი ზუსტი გამოდგა, ხშირად საუბრობდა კრიშტიანო რონალდუსთან და პორტუგალიელთან ბრწყინვალედ კომბინირებდა.. ყოველთვის მზად იყო პარტნიორებს დახმარებოდა და შეტევების მაღალ ტემპსაც ინარჩუნებდა..

რომელი მწვრთნელი იტყვის ასეთ ფორვარდზე უარს, რომელსაც არ ეზარება უკან ჩამოსვლა და პარტნიორებისთვის თავისუფალი სივრცის შექმნა?

ველოდი თუ არა მის ასე გარჯას? სიმართლე გითხრათ არა ამ დოზით.. სასიამოვნოდ გაკვირვებული დავრჩი მისი თავდაჯერებულობით და სწორი მოქმედებებით..

მე რომ მკითხოთ ახლა ვინ არის პორტუგალიელისთვის იდეალური პარტნიორი, ეს სწორედ გონსალო იგუაინია.. დიახ, ცივსისხლიანი ფორვარდია და უშუალოდ საჯარიმოში გრძნობს კომფორტულად თავს, მაგრამ არ არის ეგოისტი..

მისთვის გუნდური წარმატება უპირველესია და აქედან გამომდინარე, შეუძლია კრიშტიანოს იმაზე დიდი დახმარება გაუწიოს, ვიდრე სხვა დანარჩენმა ვინც ახლა იმყოფება ტურინელთა წინა ხაზში..

სარის სამუშაოს შეფასება ახლა საკმაოდ რთულია.. დრო ჭირდება, რომ გუნდი მაქსიმალურად მიხვდეს მის სურვილს და მოთხოვნას..

თუმცა, უკვე პარმასთან შეხვედრაშიც გამოჩნდა, როგორი იქნება ბიანკონერის ინტენსიურობა ბურთის დაკარგვის დროს, კონტროლის დროს და ასე შემდეგ.. პირველ ნახევარში ასე თუ ისე გამოიკვეთა კონტურები, რომელიც უფრო მეტად დაიხვეწება.

შემადგენლობა? იცით, ამან შესაძლოა პრობლემები გააჩინოს.. მაგალითად კარლო ანჩელოტის ხელში შეთამაშებული გუნდია, მაგრამ იუვეში ახლა შეკრებილი არის 23-24 უმაღლესი დონის ფეხბურთელი..

შენ თან თამაშს ალაგებ და ამასობაში პარმას წინააღმდეგ სკამზე ტოვებ დე ლიგტს, დიბალას, მანჯუკიჩს, ემრე ჯანს, რემზის და რაბიოს.. ეს პრობლემაა და სარიმ სწორი ბალანსი რაც შეიძლება სწრაფად უნდა იპოვოს.”