ფაბიო პარატიჩი რონალდუზე და დე ლიხტზე

ფაბიო პარატიჩი ჟურნალისტებს სხვადასხვა თემაზე ესაუბრა:

“კრიშტიანო რონალდუ დამთავრდა? ნუ მაცინებთ.. პორტუგალიელს უბრალოდ მუხლის არეში აქვს დისკომფორტი და როდესაც პრობლემა აღმოიფხვრება ის უფრო ძლიერი დაბრუნდება.

პირადად ჩემთვის მან გასულ სეზონშიც დაიმსახურა ოქროს ბურთის მოპოვება, როდესაც არაერთ მნიშვნელოვან შეხვედრაში შეძლო თავის გამოჩენა.

კითხვა დარჩება თუ არა იგი იუვენტუსში უადგილოა.. მას კონტრაქტი აქვს და იგი არსად წასვლას არ გეგმავს, ხოლო კლუბი მითუმეტეს არ განიხილავს მასთან დამშვიდობებას.

მატეის დე ლიხტთან დაკავშირებული კრიტიკა ასევე უსაფუძვლო იყო. რაც დრო გადის უფრო ვრწმუნდები რაოდენ ძლიერია ჰოლანდიელი.. იგი უბრალოდ ცოცხლად ჭამს მეტოქეს, რომელიც მის ზონაში შესვლას ცდილობს.

ორი აზრი არაა, რომ იგი ჩვენთვის საუკეთესო ახალგაზრდა შენაძენია ბოლო რამდენიმე წლის განმავლობაში.”