პარატიჩი ბერნარდესკიზე, რაკიტიზე და ინტერის წარუმატებლობაზე

ფაბიო პარატიჩი პარმასთან მატჩის წინ ჟურნალისტებს შეხვდა და სატრანსფერო თემებზე ესაუბრა:

“ბარსელონასთან ამ ეტაპზე ორი ფეხბურთელის თაობაზე მიმდინარეობს მოლაპარაკება. პირველ რიგში საკითხი მათეუს პერეირას ეხება, რომელსაც ესაჭიროება სათანადო სათამაშო პრაქტიკა..

ბუნებრივია ყველანი ვხვდებით, რომ საკითხი ახალგაზრდა ფეხბურთელების განვითარებას ეხება.. შესაბამისად, ამიტომაც მიმაჩნია რომ მისთვის ახლა ეს გამოცდილება ძალზედ მომგებიანი გახდება.

ბარსელონას რიგებში კი არის ისეთი მოთამაშე, რომელიც იტალიურ სტილს მეტად ერგება.. მალე უფრო მეტს შეიტყობთ.

ფედერიკო ბერნარდესკის და ივან რაკიტიჩის შესაძლო გაცვლა არის ჭორი და მეტი არაფერი. ამაზე საუბარი ზაფხულში მიდიოდა და ისიც, უბრალოდ გაცნობით დონემდე, რადგან საქმე მცირედ ინტერესამდეც არ მისულა.

ინტერი? ლეჩესთან ქულების დაკარგვა ჩვენთვის არაფერს ნიშნავს. იუვენტუსი კონცენტრირებული საკუთარ შედეგზეა და ბუნებრივია რა ანგარიშითაც არ უნდა დაემთავრებინათ, მინდორზე მხოლოდ მოსაგებად გავიდოდით.”