სანე ტურინულ ჰორიზონტზე გამოჩნდა
მანჩესტერ სიტის გერმანელი შემტევი ლეროი სანე შესაძლოა ზაფხულში ტურინულ გრანდს შეუერთდეს.
არაერთი წყაროს მტკიცებით, მისი ინგლისიდან აბარგება პრაქტიკულად გადაწყვეტილია, მაგრამ ბიანკონერის ბაიერნის სახით სერიოზული კონკურენცია ელის.
მიუნჰენელები გასულ ზაფხულსაც აწარმოებდნენ სიტის ხელმძღვანელებთან მოლაპარაკებებს, მაგრამ მაშინ შეთანხმების მიღწევა ვერ შეძლეს.
იუვენტუსი თავის მხრივ დუგლას კოშტასთან დაკავშირებით ეჭვებშია და არაა გამორიცხული, შეელიოს და აღებული სახსრებით სწორედ სანე გაიფორმოს, რომლის ღირებულება დღეისათვის 50-60 მილიონს უტოლდება.
