Tuttosport იუვენტუსის საორიენტაციო შემადგენლობას აქვეყნებს

Tuttosport -ი ტრადიციულად სავარაუდო სასტარტო შემადგენლობას გვთავაზობს..

როგორც მოგეხსენებათ, დღეს ტურინში ერთმანეთს იტალიის თასის 1/2 ფინალურ შეხვედრაში იუვენტუსი და მილანი დაუპირისპირდებიან.

შეხვედრა თბილისის დროით 23:45-ზე გაიმართება და ბუნებრივია, ჩვენ ამ დაპირისპირების პირდაპირი ტრნასლაციის რამდენიმე ბმულს შემოგთავაზებთ.

ახლა კი უშუალოდ საფეხბურთო ასპექტებზე და იმ საორიენტაციო 11 იუვენტინოზე გადავიდეთ, რომლებიც ზემოთხსენებული გამომცემლობის მოსაზრებით როსონერის პირველსავე წუთებიდან დაუპირისპირდებიან..

დუგლას კოშტას ტრავმიდან გამომდინარე, დიდი ალბათობით მაურისიო სარი 4-3-1-2 ტაქტიკურ მოდულს დაუბრუნდება.. 

კარში ჯანლუიჯი ბუფონს ვიხილავთ.. სათასო შეხვედრებში ძირითად შემადგენლობაში სწორედ მას შევეჩვიეთ..

დაცვის მარჯვენა ფლანგზე ტრავმა მოშუშებული მატია დე შილიო გაირჯება.. ცენტრალურ ზონაში ლეონარდო ბონუჩი და მატეის დე ლიხტი.. მარცხენა ფლანგზე “უკვდავი” ალექს სანდრო..

ახლა კი ყველაზე დიდი კრიტიკის ქარ-ცეცხლში გავლილ ზონას შევხედოთ..

ვერონასთან შეხვედრის შემდეგ, შუახაზელებს ყველაზე დიდი აგრესია შეხვდათ.. მათი თამაში იყო უსუსური და გრანდისთვის ყოვლად შეუფერებელი..

ვერონა მატჩის პირველ 40 წუთს სწორედ შუახაზზე დომინირების გამო აკონტროლებდა..

ტუტოსპორტის ცნობით სარი გარკვეულ ცვილებებს შეიტანს, თუმცა არა ძირეულს.. კერძოდ სასტარტოში ადრიენ რაბიოს ნაცვლად ბლეზ მატუიდი იქნება.. დანარჩენი ორი კი ისევ როდრიგო ბენტანკური და მირალემ პიანიჩი..

ტრეკუარტისტას ფუნქციას აარონ რემზი შეითავსებს, რომლის თაობაზეც ბევრი კითხვის ნიშანია.. პრესაში გაჩნდა მოსაზრება, რომ ზაფხულში მას გუნდის დატოვება მოუწევს.

თავდასხმის დუეტს წესით და რიგით კარგ ფორმაში მყოფები პაულო დიბალა და კრიშტიანო რონალდუ შეადგენენ..

 Loading ...