იტალიური მედია:”სარი და ფეხბურთელები განსხვავებულ ენაზე საუბრობენ”

იუვენტუსში პრობლემები გროვდება და ყველაფერი მთავარი მწვრთნელისკენ მიდის, რომელმაც გუშინდელ ინტერვიუში ღიად განაცხადა, რომ ვერ ახერხებს ფეხბურთელებისთვის იმის გათავისებას, რომ ბურთმა სწრაფად უნდა იმოძრაოს..

“მათ ვერ შეძლეს იმ კონცეფციის რეალიზება, რაზეც აქტიურად ვმუშაობთ”– ეს მაურისიო სარის სიტყვებია და ბუნებრივია, როდესაც იუვენტუსის თავკაცი პირს გააღებს, ბიანკონერის სამყარო მოლოდინის რეჟიმში გადადის..

იყო ასევე კომენტარი:“ასეთ 11-იანს იტალიაში აუცილებლად დაგვიდებდნენ”… ანუ ეს რას ნიშნავს? გამოდის იტალიაში ტურინელებს მართლაც ეხმარებიან? და იგივე არ ხდება ევროპაში? დიდი ალბათობით მაურისიოს სხვა რამის თქმა სურდა, მაგრამ სხვაგვარად გამოუვიდა..

ხედავთ როგორი პრობლემა ექმნება კომუნიკაციაში? დიახ.. პრობლემები სახეზეა და მან ჯერ ვერ მოახერხა მოთამაშეებთან იმ საერთო ენის პოვნა, რომლის დახმარებითაც ტურინელები სასურველ ფეხბურთს ითამაშებდნენ.

არაერთმა წყარომ კულუარული ინფორმაციები გაავრცელა მთავარ მწვრთნელთან მიმართებაში..

ტურინში დიდი ხანია მიხვდნენ, რომ სარი მათთვის შესაფერისი სპეციალისტი არ არის, მაგრამ მისი გაშვება ჯერ არ სურთ.

თუმცა, თუ კი იუვენტუსი გააგრძელებს ასეთ სტილში შეხვედრების ჩაგდებას, დიდი ალბათობით ხელმძღვანელობის მოთმინების საზღვარი შეივსება და სარი პოსტს ვადაზე ადრე დატოვებს. 

ასეთ შემთხვევაში კლუბში მაქს ალეგრი დაბრუნდება, რომლის უმთავრესი მისია სეზონის გადარჩენა და ტიტულის შენარჩუნება გახდება.