FIGC სამშაბათისთვის ფართო მასშტაბიანი შეხვედრისთვის ემზადება

ჯერ კიდევ დილით გარკვეული კითხვის ნიშნები იყო გაიმართებოდა თუ არა დღევანდელი საფეხბურთო მატჩები, რომელიც სერია ა-ში იყო დაგეგმილი.

მართალია დღევანდელი დაპირისპირებები, როგორც დაიგეგმა ზუსტად იმ გრაფიკით გაიმართება, თუმცა პრობლემა ამის შემდგომი ტური ხდება..

FIGC სამშაბათისთვის ფართო მასშტაბიანი შეხვედრისთვის ემზადება, რადგან ჯერ სპორტის მინისტრმა, ხოლო შემდეგ ლეგა სერია ა-ს პრეზიდენტმა საკმაოდ მკაფიო კომენტარები გააკეთეს ჩემპიონატის მიმდინარეობასთან დაკავშირებით.

ფეხბურთელთა ასოციაციის პრეზიდენტმა – დამიანო ტომაზიმ ჯერ კიდევ გუშინვე განაცხადა, რომ სერია ა-ს ჩატარება უნდა შეჩერებულიყო..

შესაბამისად, შესაძლოა ეს სწორედ ის დროა სალაპარაკოდ, როდესაც მსგავსი საკითხი აქტიურად უნდა განიხილოს ყველა დაინტერესებული და კომპეტენტური მხრის მიერ.

რა პერიოდით გულისხმობს ჩემპიონატის შეჩერებას ეს ყოველივე ჯერჯერობით უცნობია, თუმცა ფაქტია დღევანდელი შეხვედრის შემდეგ არავინ იცის თუ როდის განახლდება იტალიის ჩემპიონატი.