ჩელსი სრულად გადავიდა კარანტინის რეჟიმზე

ჩელსის ვინგერს კალუმ ჰადსონ-ოდოის COVID-19 -ს ტესტზე დადებითი შედეგი დაუფიქსირდა.

ეს ინფორმაცია კლუბის ოფიციალურმა გვერდმა გამოაქვეყნა და აქედან გამომდინარე, გუნდი სრულად იმყოფება კარანტინის რეჟიმზე.

გამომდინარე იმ ფაქტიდან, რომ ფეხბურთელთან მჭიდრო კონტაქტში იმყოფებოდა გუნდის არაერთი თანამშრომელი, მხარეებმა მიიღეს გადაწყვეტილება მთელი შემადგენლობის თვითიზოლაციაზე.

ჯერ კიდევ გუშინ The FA აპირებდა ჩემპიონატის გაგრძელებას და თან გულშემატკივრებთან ერთად, მაგრამ დღეს საღამოს მორიგი საგანგებო თათბირი დაინიშნა.

ჯერჯერობით არ ხმაურდება რა სახის გადაწყვეტილებას მიიღებენ, თუმცა ზემოთხსენებული ფაქტის დაფიქსირების შემდეგ, დიდი ალბათობით პრემიერ ლიგა სხვა ლიგების მსგავსად მკაცრ ნაბიჯებს გადადგამს.