ზლატან იბრაჰიმოვიჩი სამედიცინო დაწესებულებებს ეხმარება
ზლატან იბრაჰიმოვიჩმა 100 000 ევრო გაიღო ჩრდილოეთ იტალიაში მდებარე სამედიცინო დაწესებულებებისთვის.
შვედი შემტევი მორიგი ფეხბურთელია, რომელიც საკუთარი ინიციატივით იღებს ასეთი სახის გადაწყვეტილებას.
დღეისათვის აპენინებზე 25 000 აქტიური შემთხვევა ფიქსირდება და აქედან სამწუხაროდ გარდაცვლილთა რიცხვი 2500 შეადგენს.
იბრამ საკუთარი გადაწყვეტილების შესახებ, სოციალურ ქსელში ისაუბრა და მან ასევე მოუწოდა სხვებს, რომ მას მიბაძონ რადგან ახლა ქვეყანას დახმარება არნახულად ჭირდება.
კორონავირუსის ეპიდემიის გამო იტალიაში საგანგებო მდგომარეობა უკვე ერთ კვირაზე მეტია რაც გამოცხადდა.
